نغزات محرمة جزء الثاني

بارت 1 جزء الثاني

نغزات محرمة جزء الثاني بقلمي ميار السعدي.....

تصويت وتعليقات ع كل الفقرات 🫂💞.....

وبغزل عراقي :

ما گدرنا نكف نظرنا...
عيونج أخضر من شجرنا..☘️

________________________________________________________________________________________________________________________________________________________

س 5 العصر...

باوعت الجو حلوو واني احس بأمان لان أعرف ما يجي بهالوقت عنده شغل ما يرجع لليل...ضحكت ومسحت العرك من وجهي التفت وراي ع ولد المنطقة إلي أصغر مني مراهقين يعني الطوبه بيناتنا ركضت أني وصوت الضحك والناس كلها تعيط قمررر قمررر قمررر واني متت من الضحك وهمه يركضون وراي حتى ياخذونها مني ضربتهاا حيلل ما لحكت الزمهاا...

ما احس غير كلها تكع فوكاي وكعت عطت بوجع واني جواهم ملختهم تملخ واني اعيط حتى يوخرون والجهال شافو هيج كلهم ركضو وكمزو فوكاي فتحت عيوني بصدمه واكوم اعيط واغلط واوخر بيهم من فوكاي كوه طلعت بترابي من جواهم واني ادفع واعيط...

عدلت شالي ورزلتهم ترزل والجيران كلها تباوع علينا فتحت عيوني بصدمه جانن بس بنات شجاب ذوله؟..بلعت ريقي التفتت ع صوت سيارة بالفرع ماعرف المن والجهال يركضون عليه ويعيطون كلها عرفت إسمي

.....ولجججج قمرررر افلتيييييي اجتتتتت سيارتههه قمرررر اركضيييي للبييتتت...

عطت بدون وعي ما حس غير رجليه تركض والطمم وكل شويه يكع نعالي آخر شي شلته وركضت وانكطع نفسي واسمع صوت السياره القريب وراي حتى ماعرف اذا شافني اسوي نفسي لوتيه عادي عادي راح اجذبب عادي حتى لو شافني اكله مو اني مو انيييييي.....

شجابه هسه شلون اجه اكيد ناسي شييي ما يجي بالعاده بهيج وقت.....

دفرت الباب حيلللل مال بيت وطبيت ركض شمرت نعالي وافتح باب الصاله واتعثر اروح هيج واروح هيج ادور مكان اختل بي ماكو...

لزمت كلبي بخوف ركضت للغرفه فتحتها وشمرت شالي ومسحت بي وجهي يعني امسح العرك حتى من اجذب يصدكني ولو أعرف ما يصدكني لو اموت.....

كمزت ع فراش فتحت اللحاف وكعدت أخذت الجهاز شغلت السبلتت بوخه الغرفة بوخه...

زفرت بتعب والعب بأضافري عيوني ع باب اني سمعت صوت خطواته بالبيت وصوت علاليك يماااا غمضت بخوف رفعت اللحاف فوكاي ونمت والغرفه رغم صارت ثلج لأن مشتغله بنكه ومبرد وسبلت بس حسيت بحراره ماعرف ليش.... تسألين ليش.؟كبرر...

علي : وينججج يالعار نايمهه؟...

فتحت عيوني جوه اللحاف كمزت بدون وعي باوعتله صوته العالي جاي من بره فتح الباب هوه طب أني حجيت سريع

قمر : ايييي جنتت نايمة يمااا اخذني النوم كعدت ع صوتك شبيك ما تكول بشر نايم خامدد....

علي :  رفعت حاجبي اباوعلهاا ما تعرف تجذب ماتعرف ترمش وتسوي روحهاا جانت نايمه ولا عبالك هيه الجانت توها تركض بالفرع والجهال يعيطون بأسمها بكد ما جنت محترك أريد اضربها بس راح كل الغضب من حركاتها الطفوليه بس جسم ما شاء الله يكبر عقلها بطيبه كلبها للأسف....
حجيت واني اسايرها ماعندي غير حل....