نغزات محرمة جزء الثاني

بارت 16 و 17

روايه نغزات محرمة جزء الثاني بقلمي ميار السعدي..

تصويت ع نجمة وتعليقات ع فقرات حبيباتي🖤...

مشتاقتلكمم مريضهه انييي كتبت البارت شلون ماجان بارتينن💔

طرف ثالث تدخل وانتهت وياك
خربها وتباها وحكه يتباها
هاي الرادها وهاي التمناها

____________________________________

____________________________________

____________________________________

____________________________________

مكرفصه بصف الجربايه بالكاع ع وجع جسمي صافنه بالفراغ وعيوني مغوشه من الدموع الم بكلبي قوي وضعف بكد الدنيا بداخلي وخنكه مو طبيعية تذبح....مكتفه اديه ولازمه بطني الي وجعها صار يتلاشى ع كد ما صافنه صرت ماحس بشي بس رعشاتي واضحه ايدي ترجف قبضتها بقوه بلعت غصه شكبرها غمضت عيوني نعست...

حيل نعست اريد انام بس ما اكدر راسي راح ينفجر ع كد ما اودي واجيب بحسباتي حسبه تروح حسبه تجي واتخيل وين راح شدايسويي ليش تاخر؟...اهخخخ يا ادهممم اهخخخ شكد حقير بس اريد أعرف شي واحد....

عفت كلشي خل نارهم تاكل حطبهم ما يهمني ما ينخاف عليهم بس شي واحد أريد أعرفه؟...وهو منو دز الصور؟....اصلا منو اخذهن؟.... وشنو غايته؟..ليشش؟....معناها راد يأذيني شنو السبب راححح اتخبلللل من التفكير صار ساعات طويله ع هاي الصفنه الطويله انتضره يجي...

الغرفه مضلمه كئيبهه خنكه باوعت بطرف عيني ع باب اتخيل يفتح هالباب واشوفه كدامي ويطلع كلشي حلم...اليوم من الصبح عشنا هواي شغلات حلوه ليش هيج خربت بليله؟...ما كملت فرحتنا...ما مكتوبلي الفرح....ليش....

لعبت نفسي معدتي حسيتها تريد تطلع عقجت وجهي طعم مروره بحلكي لزمت معدتي وتحركت من مكاني ع كيفي شهكت بوجع سمعت طكطكه عضامي لان تأخرت ع كعده وحده ومن تحركت توجعت...

مددت رجليه وكتفت ايدي لزمت حلكي زاد لعبان النفس عندي اعصر بروحي وحتى نسيت انو اني مو وحدي بالبيت نسيتت...لحد ما سمعت صوت جفلت كبل باوعت ع باب شفت ضل واحد واكف لزمت كلبي وكفت سريع متوجعه مشيت اعرج بخوف عبالي هو فتحت الباب بقوه بهتتت....

بقيت صافنه بدون رده فعل مستغربه احس نفسي غريبه واليوم اجيت عليهم مو صار مدري كم سنه متزوجه ادهمم... حتى نسيت....ماعاد أتذكر شي من حياتي.... اذا تتسمى حياه؟...

بلعت ريقي بألم عيوني يوجعني محد يفهم شلون توجعني غمضت بقوه وفتحت تحرقني عضيت شفتي وهيه تبجي تبجي بطفوله بصمت بدون صوت خايفه شبعانه خوف ومحد يمها الله لا ينطيك ادهمم....

تباوع عليه بخوف ما تمنيت هيج تشوفني بس شسوي مالي خلك ابدل اعدل واجذب عادي خل تشوف ابوها شيسوي...