نغزات محرمة جزء الثاني

بارت 20

روايه نغزات محرمة جزء الثاني بقلمي ميار السعدي..

حقكم عليه بكلشي والله بس افهمكم من تخلصون البارت.......

..
مشتاكلك بس
المن احچي؟
رجال اني وصعبه
يشوفوني ابچي....

______________________________________

______________________________________

______________________________________

______________________________________

عيوني بالفراغ صافنه بشرود ايدي ع خدي بخيبه بحزن بقهر مع الأسف مع الأسف
ع كل حياتي الي ضيعتها ويه هيج انسان ضايع
مع الأسف...
غصه بيه شكبرها حيل مقهوره ماعرف شسوي حايره دايخه راسي ما يجمع شي حتى مداستوعب الأحداث هاي مداستوعب شي

وين علي؟....
وين راح وعافني؟....
ليش هيج سوه؟...
اي توفت خالتي نانا الله يرحمها شنسوي هسه؟....
توكف الحياة عليها؟....
نموت نفسنه وراها؟...شنسوي؟....

ضحكت التفتت ع زوايا البيت الفارغ من وجوده رفعت حواجبي صافنه
راح يطلع الفجر هاي ثالث ليله انتظره وهو ماكو 3 ايام غايب عني بدون لا يتصل او يرجع لو ينطي خبر او يسأل علينا
ما يخاف ع بناته؟....

وين راح؟....معقوله عليها؟...
معقوله هيج الحب يسوي؟....
ياربي ماتحملل....

اعرف هيه توفت ومو وكت احجي هيج ولازم اعذره اعرف كل هذاا بس المشكله بهاي الغصه الي متجمعه بحلكي مداتروح
من عافني هيج مثل الحايط ولا باوعلي واني اشوف دموعه الي ما شايفتها ابد....
ابد مشايفه علي يبجي...
ابد والله....

ما يقهر هالشي؟...ما يموت؟....ما يخليني اموت الف موته وسط هاي الجدران واني حامله كل هالحزن والقهر؟...اني هم ماتت بنتي....
محد اجه عليه محد ذكرني محد انقهر عليه محددد.....

غمضت بشهكه ابجي ايدي ترجف ثلجت من البرد كمت ع كيفي عضامي تطكطكت من الكعده ما تحركت بس صافنه اكلت نفسي اكل.... مسحت دموعي ادور بموبايلي شفته مشمور ع مخده بصفي ع قنفه

دنكت اخذته فتحته دخلت المكالمات هواي اتصلت بي ما يرد ولا كلف نفسه يطمني....

خرجت ومشيت بالضلمه بس ضوه المطبخ مشتغل طبيت شربت مي وسديت الشبابيك هوا عالي ورحت بغرفة البنات نايمات كلهن بالفراش بالكاع وبس التيبلام مشتغل منور ملامحهن الحلوه

سديت الباب أخذت فراش من الكنتور مالتهن فرشته بالكاع بصفهن ومددت نفضت شعري وراي شسوي خل انام حتى لو يرجع ما اهتم اني اعلمه ع كلشي سواه وياي....

نمت شويه غفيت بس بالي مشغول جذب ماكدر اسوي روححي ما مهتمه بالي كله يمه وهم خفت لا صار وياه شي حلمت احلام وكوابيس مو حلوه...

عركت تعبت انازع بنومتي اختتكت واحس ثقل ع گلبي وصوت بأذني بعيد الجامع يأذن يمكن...احس روحي مكتفه او مربوطه غصه بحلكي تجرحني ما انساها ابد خلاني اعيشها