روايه نغزات محرمه بقلمي ميار السعدي....
لا تنسون التصويت والتعليقاتكم الحلوه💚
- هيَ الفراشات حَلوة بوية ؟.
- چا مَثل عَينچ .
- يعَني حَلوة ؟.
- ترد الروح مِن أشوفنهَا .
- الفراشات ؟.
- للا بوية عَينچ .
_____________________________________
_____________________________________
غرام
حاطه الموبايل كدامي بالكاع ع صورته ومشغله القصيده الي رددها اخر مره ناصيه وفاتحه باب الصاله الهوا عالي صافنه ع صورته الدمعه ما فاركت عيني والحزن بكلبي مخيم الاسود ما انزعه للموت
شكد يحجون عليه كافي تبجين كافي حزن قضاء رب العالمين بس ماكدر كلبي ممرود واحس الدنيا كلها مو بعيني حتى اكل بالكوه اجرعه الا يلحون عليه خواته ما عافني وياي وخوانه هم بس متحمليني ع اعصابهم اخوانه مو حيل يردوني
سمعت البنات يحجن بالمطبخ اخو ادهم الجبير كايل متضل هنا تروح ويانه هيه وايلين مرت اخونه ما تبقى وحدها واني ما اعترضت حقهم هم شعندي وحدي مالي احد بعد....ع اقل لا يحجون ع مرت ادهم بغيابه قررت اروح وياهم لخاطر ايلين...
هذا البيت ماشفت بي خير ولا سعاده من جاسني الفرح شويه راح ادهم مني وراحت فرحتي وياه...
فزيت ع صوت زينه التفتت تنضف بالبيت
زينه : وين صافنه عيني يله اجه ابو ملاك ياخذنه لميت ملابسج وغراضج
بس مو كلهن غير مره نجي ناخذ الباقي.....
هزيت راسي ورجعت صفنت مابيه احجي ويه احد لعبانه نفسي غمضت بتعب دايخه شميت ريحه اكل كمزت اركض ردت اكع وزينه تعيط جفلت
زينه : يماا اسمم الله شبيجج غراممم....
مارديت اريد اصل الحمام دفعت الباب كبل استفرغت كل روحي بالمغسله
مدنكه الهثث تعبتت معدتي توجعني انتهيت كوه اجر النفس
فتحت الحنفيه وزينه وراي تباوعلي وتسال بخوف
زينه : شبيج غرومه مريضه؟...خاف انشلتي لان سبحتي وطلعتي بهالبرد...
غسلت وجهي مابيه احجي عدلت شالي باوعتلها بتعب
غرام : مابيه شي...شميت ريحه الاكل...
زينه : شبيها ريحه الاكل؟...خاف حامل غرومه....
فكيت عيوني بصدمه نترت بيها مادري بروحي
غرام : لاااا.....
زينه : شكوو شبيج ع كيفج!....اكول يمكن افحصي نفسج... ماكو هيج لعبان نفس صارله شكد كل ما تشمين ريحه الاكل تستفرغين.....
غرام : كتلجج لاا اعرف نفسي....
زينه : بكيفج يله امشي بدلي الاكل نأخذه ويانه مانلحك نتغده....
أنت تقرأ
نغزات محرمة جزء الثاني
Romanceكون هاي الدنيا تصغر حيل تصغر وتلتقي الوادم باهلها اي باهلها يعني انا وانتَ هيجي نلزم الدنيا ونذلها......
