روايه نغزات محرمة جزء الثاني بقلمي ميار السعدي..
تصويت وتعليقات ع فقرات حبيباتي.....
____________________________________
____________________________________
____________________________________
مرت سنتين و 5 أشهر...
مرت سنتين ويه بناتيي...حبيباتي...ويه زوجي ابويه...وروحي وعافيتي وكل قطره بدمي...مرت اكثر من سنتين ع قصتنا بس احجي من ولدت البنات لحد الان سنتين....صار عمرهن سنتين كبرن كدامي.. كدام عيوني بحضني وحضنه حياتنا شبه مرتاحين يعني تمام عايشه فوك الغيوم وياه مدللني يبالغ بحبه وخوفه عليه....
صح مرات نتعارك نتجادل ونتخبل بس تعودنا مالنه غير بعض هاي حقيقة ما ننكرها...
تغيرت نفسيتي حيلل مرتاحة وفرحانه وعايشه بالرقص والضحك والخبال اني والبنات الي عوضني الشفته من قهر وتعب الحمد لله بكل صلاه اشكر رب العالمين وهو بعد اكثر مرتاح وحتى شغله صاير مرتب وما يغيب هواي يكول ماكو تعب مثل قبل احبه حيلل وهو يكلي أنتي مرتاحه وتضحكين كل اموري تتسهل عليه...
صوت القران بأرجاء البيت بس كلشي ماسمع من عنده لحالي مشغلته اذني نصرعت من عياطهن راح اتخبل من وراهن ما يحجن بس عياط حتى حجيهن مو مفهوم يناغن ويحجن بطفوله بعدهن صغار بس يمشن ويركضن بالبيت هنا وهنا ما يخلن زاويه ما ينبشنهاا نبش....
خلصت ريوك الساعه 8 وهو طالع مخليني وحدي ماعرف ع شنو اركض طلعت من المطبخ رافعه شعري ورافعه دشداشتي جنت اغسل بالطرمات
فتحت عيوني واشوف الصاله عزلتها قبل دقايق وهسه حرام تتسمى صاله يكول طاكه بيها قنبله المخاد والفراش مالتهن عساس يعزلن مثلي مطلعاته شامراته وراهن والخبلنيي مو هذا عيوني ع ملابس علي الي غسلتهن خليتهن بالسله اريد اشرهن منثره كلها بالكاع حتى ماكو مكان اكدر امشي بي وين ما امشي ادوس ع شي...
اجتني شمس تركض بطفوله تناغي حجت بكلام مو مفهوم بس اني فهمته تأشر ع خواتها وعيونها مدمعه خايفه ادري بيها جذابه شعرها اصفر عبالك صدك شمس
شمس : ماما...انينن اديببب....ايي ماتجج....
ماما خل تجيب هاي مالتج هاي الترجمه تخصرت بتعب مسحت وجهي باوعت عليهن اصلا ما اهتمن لوجودي صاعدات ع قنفه يضحكن وتين شايله موبايلي تاكل بي ونبض شايله خياره تاكل بشراهه شعرها منكوش
مشيت عليهن وشمس لزمتني من ثوبي تمشي وياي عساس مالها علاقه وفقيره وهيه اوكح وحده بيهن وكفت كدامهن سحبت موبايلي من وتين بغضب برطمت شويه شويه طكتها بجي مال مكر حتى دموع ماكو بس تعيط
عفتها باوعت ع نبض نترت بيها ما اهتمت تاكل بالخياره وتهز بنفسها هيج وهيج لزمتهاا نزلتها ونزلت وتين فحطانه عطت بيهن واباوع ع هوسه
أنت تقرأ
نغزات محرمة جزء الثاني
Storie d'amoreكون هاي الدنيا تصغر حيل تصغر وتلتقي الوادم باهلها اي باهلها يعني انا وانتَ هيجي نلزم الدنيا ونذلها......
