نغزات محرمة جزء الثاني

بارت 3 و 4 جزء الثاني

روايه نغزات محرمة جزء الثاني بقلمي ميار السعدي...

البارت يحتوي ع جرعه ومشاهد غير لائقه اذا كنت لا تفضل هذه المشاهد الرجاء حذف القصه🚫

بارت ال 3 و 4 طولته علمودكم ماعندي مجال أكتب وانشر والله 💔 حسو بيه...

نجي هنا
🚫 شتحسون انتن البنات إلي تغلطن عليه وتحجن تعرفن ماراح اتعب نفسي بالكلام عن هيج ناس تعبانه بس اكول اتمنى يارب تمرن بنفس إلي مريت بي بس هيج أريد حتى تحسن شويه يا ما تستحن.. وعبالكم اهتم لا والله آخر همي إلي يحجي عليه مادام ما مأذيه احد ولا حاجيه ع أحد الحمد لله حايره بنفسي وبقصصي ما يوم جبت طاري أحد بالموزين حتى إلي يأذيني ما اهتمله... وهذا آخر كلامي لو اتأخر سنين لو ما يبقى عندي ولا متابع هم عادي ما اهتم ابقى أكتب شوكت ما يصير عندي مجال وضروفي تسمحلي احجن شكد ما تردن....

قصههه نهايتهاا مجرد قصههه الواتباد مليان قصص ما باقيه بس قصتي إلي يقدر ضروفي ويدعيلي حالتي حاله وجاي نبني ببيتنا وعمال وهوسه وضيم بكلبي هالكبره وانتن نايمات وتعلقن بدون لا تفكرن بالكلام إلي يجرحنا ويزيد همنا وضيمنه....

________________________________________________________________________________________________________________________________________________________

اذكر مرة گتلي
الليل وي غيرك ذنِب
ومرة گتلي الليل وحشه
بعين كل واحد محب
ومرة گتلي .. ومرة گتلي .. وهواي گتلي
وطلع كل حچيك چذِب

بارت 3

قمر : افرك بيدي بخوف وكل شويه اسأله شوكت نصل المستشفى أول ما سألته وكف السياره وكال وصلنا انزلي نزلت سريع وراه راح يمشي كدامي ناسي أني موجوده وياه...

دخلنا المستشفى سأل عليها بيا غرفه جاوبته الموضفه وهيه تتموع غميتها وركضت وراه لزمت ايده خزرني يعني وخري عني شويه بس لزكت بي مثل العلج...

أول ما دخلنه الممر إلي بي غرفتها وانصدم بالهوسه كدامي كلها تعيط بقيت صافنه منو ذوله وشكو كلشي ما فهمت غير ادهم عرفته وهوه يفشر أنواع الفشار والغلط ما ينلبس عليه الثوب ما يليق بملابس العسكرية الي لابسها وفوك هذا كله عساكر وجيش واكفين بينهم يفازعون وعرفت ذوله إلي معكلين اهلها وشكلهم نحسين مبينين يعيطون ويغلطون هاي بنتنه وانت شنوو وشعليك وتره نطلكها منك وهوه يشوط عليهم...

دفعه علي وانطاه بوكس بوجهه لأن هيج يفشر واخوها وجهه مورم من الضرب بقيت مكاني اباوع خايفه أكره الهوسات هاي...

دفع علي وعاط بي هز المستشفى بصوته وحالته حاله اذا تحبها هيج ليش ضربتها وخنتها غريب عجيب..

ادهم : ابن **** تعفن بالسجن اليوم أنت وابنك وما عدكم بنت اسمها غرام أخذتها وصارت إليه من بعتوها ومحد وكف وياها ابن عمها ما قبل ياخذها وتحجي بالسمعه والشرف أنت ذره شرفف ماعندكك كلكم كواويدد من صغيركم لجبيركم خاف عبالك معترف بيكك...