روايه نغزات محرمة جزء الثاني بقلمي ميار السعدي..
لا تنسون تعليقااتكم ع فقرات وتصويت حبيباتي🖤.
كلمـات المعـاتب گِضـن
وانـت علـى طبـعك ذاك
لا نِفـع بيـك الـّوفه
ولا عتـب فـاد ويـاكك...
____________________________________
____________________________________
____________________________________
____________________________________
لازم ايدي بقوه ردت أصرخ من الوجع اصابعه زرفت معصمي زرف دموعي تجري كاتمه صوتي ما اتجرأت احجي كلمه وحده او اوقفه عجزت عن كلشيي بهاي اللحضه لان اعرف بي بقمه الغضب حالياً والأرحم اليه اسكت....
ساحبني وامشي وراه كل شويه اعثر أريد اكع ما يهتم اناشغ بصوت مكتوم وخايفه طلعنا المستشفى فتح باب السياره الي كدام وحجه بصوت رعبني رغم هدوئه بس نار الغضب تطلع من عيونه
ادهم : اصعدي سريع....
كال هيج وراح صعد قبلي شافني ما صعدت فتح عيونه متتت بمكاني عاط بصوت عالي
ادهم : اصعديييي....
جفلت تحركت وصعدت بتعثر سديت الباب حرك السياره واني ارجف بلعت ريقي امسح بدموعي وتنزل اكثر اااه ياربيي ششوف بعد كافي مشاكل كافي شنو مربوطه بسحر هيج ما يخليني افرح معقوله ياربي ماعرف شسوي وين اروح منو الي؟.. ماعندي احد لا اهل لا سند منوو؟...
ابجي واحجي ويه روحي عيونيي ع طريق رغم أعرف الي راح يصير هذا خبل ادهم أريد احجي أريد افهم شسويت اني شنو ذنبي شعليه؟.... بعدين شجابه ع سجاد؟...ليش تعاركو مافهمت شي....
باوعتله بطرف عيني الجكاره بيده عاقد حاجبه ويسوق بشرود ما نطق حرف واحد نزلت عيوني تنهدت مسحت دموعي وتجرأت وحجيت بصوت مرتجف بخوف وافرك بأصابعي
غرام : احجي شي....ليش....ساكت؟...
كلتها ورفعت عيوني باوعتله ثواني طويله عيونه ع طريق والتفت عليه التقت نضراتنا صابتني قشعريره وانقهرت حيلل انعصر كلبي نزلت دموعي غمضت بشهكات خافته....
فزيت ع ايده الي لامست وجهي جفلت باوعتله بعيون مغوشه عقدت حاجبي رجفت من حركته ما توقعتها الجكاره بشفته حرك اصابعه ع خدي مسح دموعي إلي زادت
فغرت شفتي اباوعله تايهه بعيونه إلي حبيتها ومو راضيه تحبني...هاي العيون عشقتها من أول يوم شفته بي لحد الآن أني اعشقهن بس حضي اغبر وياه ماعندي نصيب ويه هالبشر....
بلعت غصه شكبرها رجع عيونه ع طريق شال ايده طفه الجكاره بقيت صافنه انتضره يحجي احس نفسي تزوهرت من هالصمت هذا....
نزلت عيونيي عبالي مراح يحجي صرت امسح بدموعي وصفنت ع طريق....
ادهم : نعسانه؟...
أنت تقرأ
نغزات محرمة جزء الثاني
Romanceكون هاي الدنيا تصغر حيل تصغر وتلتقي الوادم باهلها اي باهلها يعني انا وانتَ هيجي نلزم الدنيا ونذلها......
