نغزات محرمة جزء الثاني

بارت 22

روايه نغزات محرمه بقلمي ميار السعدي....

گمرياتي لا تنسون التصويت ع نجمه وتعليقات ع فقرات قدرو تعبي🤍

عمريي انتو هذا البارت اكثر شي ع قمر وعلي سرعت شويه الأحداث اختصارها لان كدامنه بارتات ماريد اطول القصه حيل البارت الجاي عليهم كلهم وهواي أحداث🥺💔

.
رّدنا نِنسى ومَا نَسينا
رّدنا نبچِي ومِا بچَينا
ونَعتب ونحچِي عليّمن
وياهوَّ يَسمع لو حِچينا .
_____________________________________

_____________________________________

_____________________________________

الدموع ما فاركت عيني وكلبي ممرود اباوع ع سواد الترس بيتهم والعياط اليزرف الگلب خيم السواد بكل مكان... والنساوين ترست البيت والزلم بره صوتهم لهنا كلشي كدامي يقشعر جنت حيل صغيره ع هيج وجع بس اني مجربه هالوجع مجربه وجع الفقدان تفقد شخص عزيز ع كلبك....
فقدت بنتي وروحي وهيه عمرها اشهر الله يعينها شلون تتحمل وهو سنين وياها حتى لو جان مو زين وياها بس ما خفي كان اعظم ماعرف طبيعه علاقتهم

ولا شنو بينهم اليه الضاهر بس ادري بي يحبها وهيه تحبه حيلل انتهت صارت جثه ملخت روحها حتى دم طلع من وجهها عياطها لحد هسه باذني...ماعرف اوصف شعورها سوت اكثر مني من ماتت بنتي انتهت تبجي بجي يهد الحيل...

نلزمها حتى ما تضرب روحها تتخبل فقدت صارت تضرب وتغلط وتطرد متت عليها اركض ركض تكسرت اني وياي بنات كرايبهم ماعرفهن يساعدني اسوي الجاي والمي كومه كل شويه يجي واحد من الولد انشلع كلبي وانضف من الهوسه والنسوان هواي كل شويه چاي وماي وخواته البجي عنوانهن ما تحركن ملفوفات بالعبايه ويبجن وكرايبه هواي كلها تبجي وتمدح بي ماتحمل اسمع افقد بجي واني لازم ابقى قويه علمود غرام محد الها هنا....

اتذكر اول ما سمعت الخبر مثل الصاعقه عليه وجنت ما مصدكه كلت علي متوهم يمكن غلط يمكن مو هو...جنه استونه واصلين بيت جديتي ام علي  هوسه كلها ملتمه سلمنه وكعدت ويه البنات ملتمات وعلي سلم واخذ امه وراح للاستقبال وراحن وراه بناته كاعده وصافنه ماكدرت اندمج وياهن لان كالعاده نفس السوالف تعاي احجيلنه شلون تزوجتي علي ولسش تزوجتو وجان مربيج وليش رباج وليشش شبعت ليشش طكت روحي كلمه اردها كلمه اثولها ماعرف شحجي

الدنيا الليل جانت تعشينه وتاخرنه كعدت ويه جده شويه واشوف علي يكمز كمزه وكع كلبي يركض واحنه نركض شكو شكو هبطناا كام ما يشوف دربه لبس سترته ويحجي بدون لا يباوعلي

علي : دير بالج رايحح ادهم مسوي حادث....

كال هيج فكيت عيوني ركضت وراه البس بالصايه اعيط

قمر : اروحح وياك علي....

خزرني عاط بيه

علي : كلتت لاااا ماكدر اتاخرررر البنات ضلي يمهن...