نغزات محرمة جزء الثاني

بارت 21

نغزات محرمه الجزء الثاني
بقلمي ميار السعدي.....

البارت مو من عوايدي مابي هواي احداث لان الأحداث بالبارت الوراه تعبت هواي بي علمودكم....

...لا تنسون التصويت گمرياتي والتعليق ع فقرات احب اشوف تعليقاتكم قدرو تعبي حتى يصيرلي واهس اكتب🥺💚

... قرأه ممتعه.....

انه شارع طويل هواي بي عثرات
بهيده امشي عليه بهيده لا تعثر....

_________________________

_________________________

تبجي وترجف واني وكع كلبيي من صوتها وخوفها وحالتها ركضت عليها حضنتني وكعت بحضني مايعه روحها وجهها احمر تخبلت اني ...وعلي سد الباب

قمر: غرامم ولجج غرامم شبيججج غرامم...

غرام : راحح يذبحنيي والله يذبحنيييي...

تعيط وتبجي انتهت واني امسح عليها حاضنتها أهدي بيهاا فرفحت روحهاا تبجي بصوت عالي ماسكتت كلشي ما فهمنه كومتها ع طرمه امسح بوجهها الأحمر

قمر : ولجج بس فهمينيي شبيججج غيرر نفهممم شكوو منوو سوه بيج هيج منووو...

غرام : ادهممم اخذذ سجادد للسجنن وضربهه شك راسهه بالسلاح ولجج بلاا رحمه هذا البشرر راح يذبحنييي عفيههه لا تنطونيي اله يموتنييي...

تخبلتت باوعت لعلي مصدومه يباوع عليهاا صافن يسمعلها حجه

علي : وين جنتي انتي وسجاد ؟...

باوعتله تبجي وتحجي برجفه

غرام : جنت بالكاظمم....

علي : وين جنتي بايته؟..

غرام : أستأجرت غرفه بفتدق بفلوسي وهو ماعرف وين بات..

علي : ايباااخ..متعرفين؟..

يحجي مستهزا وياها والصراحه هالمره حته اني ضد الي سوته غرام ومصدرمه

زادت بجي كامت تضرب ع وجهها بندم حضنتها

غرام : ندمانهه والله ندمانهه اعرف غلططط السويته انجبرتت كلهااا عافتني والله يقمرر كلهاا عافتني ابويي طردني من البييت وادهم يضربني مارجع وياه وين اروحح انجبرت اروح وياه....

علي : عذر اقبح من ذنب..جنتي تكدرين تجين علينا كم مره كتلج البييت بيتج واي شي يسوي ادهم كليلي اني احجي وياه بس كولي انتي عقل طفله ما تعرفين تتصرفين وحقه ادهم بكلشي...

قمر : يعمريي لا تبجين كافي وكف كلبج لا تخافين احنه وياج ونحجي ويه ادهم ونفهمه الموضوع كومي غسلي...

غرام : لااا لاااا راح يذبحنيييي انتي ماتعرفينههه ولجج يذبحنيييي واللههه..

دك موبايل علي فزت هيه تباوعلهه جاوب طلع ادهم راح بالحديقه ويحجي ومبين ادهم ماينطي مجال للحجي علي بس ساكت ويحك بحاجبه حقه ميعرف شيحجي السوته غرام كله غلط