One Night Stand

თავი 8

შუაღამისას აივანს ისევ იგივე კოშმარი ესიზმრება. ბიჭი სულმთლად ოფლიანი იღვიძებს, შიშისგან აკანკალებს, თითქოს ისევ სიზმარშია ჩარჩენილი და რეალობას თვალს ვერ უსწორებს. ალბათ იმიტომ, რომ ამ კოშმარშიცაა სიმართლის მარცვალი, ისევე როგორც სხვა სიზმრებში, რომლებსაც ხშირად ნახულობს. კოშმარების გამო, ძილს ვერასდროს ახერხებდა, ერთადერთი გამოსავალი აბები იყო, რომელსაც რეგულარულად იღებს, საძილეს თუ სხვადასხვა დამამშვიდებლებს, რადგან კოშმარს ბევრჯერ გამოუწვევია პანიკური შეტევები.

გასაკვირი არც იქნება, რომ მისი ყველა კოშმარი მისი ძმის გარშემო ტრიალებს. ხედავს, როგორ ცდილობს მის მოკვლას სხვა

დასხვა ხერხებით, როგორ ამცირებს, ფსიქოლოგიურად ძალადობს ბიჭზე. არწმუნებს, რომ მკვლელია, თანაც საკუთარი დედის. ამ ყველაფერმა გამოიწვია აივანის დაბალი თვითშეფასება. ფიქრობს, რომ ყოველთვის არასასურველია, რომ არაფერი გამოუვა. არ არის დარწმუნებული საკუთარ შესაძლებლობებში. ყოველთვის საკუთარ თავშია ჩაკეტილი და ხალხს ახლოს მარტივად არ უშვებს, გარდა მისი ორად ორი მეგობრისა. კენთან და სემისთან არის მისი კომფორტის ზონა, სადაც თავს უსაფრთხოთ და დაცულად გრძნობს.

აივანი დაძინებას ვერ ახერხებდა, როცა დამშვიდდა გადაწყვიტა შხაპი მიეღო. საწოლიდან უხმაუროდ ადგა, რათა რეი არ გაეღვიძებინა. ასევე უხმაუროდ შევიდა აბაზანაში და თბილი წყლის ქვეშ დადგა. ცოტახანი უბრალოდ იდგა და წყლით იღებდა სიამოვნებას. შემდეგ წყალი გათიშა და წელს ქვემოთ პირსახოცი მოიხვია. სარკესთან შეჩერდა და საკუთარ თავს დააკვირდა. თვალები ჩაწითლებული, უპეები კი ჩაშავებული ჰქონდა. თავს არც ისე კარგად გრძნობდა. თითქოს გული ერეოდა და ოდნავ თავბრუ ეხვეოდა. მალევე სიცივე იგრძნო, რომელმაც ნელ-ნელა დაუარა მთელს ორგანიზმში, ცივი ოფლი ასხამდა. ჯერ კიდევ სველ სხეულზე ეკალმა დააყარა. შეძლებისდაგვარად გაიმშრალა სხეული და ნელა გავიდა საძინებელში. კარადიდან გამოიღო, რაც ხელში მოხვდა და გადაიცვა, შემდეგ კი სველი თმითვე ჩაწვა ლოგინში და გადასაფარებელი კარგად გადაიფარა, ხელებით ჩაბღუჯა, ისე რომ ცხვირსაც კი უფარავდა. ვერც კი მიხვდა როდის ჩაეძინა.