ლექციის დასრულების შემდეგ, რეი მარკს აუდიტორიის დატოვების საშუალებას არ აძლევს.
- შენთან სალაპარაკო მაქვს, გამომყევი!- მკლავზე ხელს ავლებს და შენობის უკანა მხარეს მიათრევს.
- სიარული ჩემითაც შემიძლია რეი, რატომ მიმათრევ?- უკმაყოფილება გამოთქვა მარკმა.
მაგრამ რეისთვის მის სიტყვებს და ქმედებებს აზრი არ ჰქონდა, ბიჭს დანიშნულების ადგილამდე მიათრევდა ძალით. მხოლოდ მაშინ გაუშვა ხელი, როცა მიხვდა, რომ მარტოები იყვნენ.
- რა ჯანდაბა გემართება მარკ!- მკაცრად ამბობს რეი.
- რას გულისხმობ, შენ თვითონ რა გემართება. აქ რატომ მომათრიე?
- ჩემს მოთმინებას ნუ ცდი მარკ!- ბიჭს პერანგის საყელოში წვდება.- რატომ უთხარი აივანის ბებიას იმ ღამის შესახებ? რა მიზანი გამოძრავებს?
ბიჭი დაბნეული იდგა და შეწინააღმდეგებას ვერ ბედავდა, თითქოს პასუხზე ფიქრობდა. სახეზე უდანაშაულოს იერი აიკრა.
- მე, მე... მეგონა ეცოდინებოდა ყველაფერი... არ ვიცოდი თუ მას თქვენი გაცნობის ისტორიას დაუმალავდით.- საცოდავი სახით ამბობს მარკი, თითქოს სადაცაა ტირილს დაიწყებს.
- შენი აზრით, აუცილებელი იყო ბებიასთან, ჩვენი ურთიერთობის პირადი დეტალების გამხელა?- საყელოზე მოქაჩა ბიჭს.
მარკი კი ისევ საცოდავად დგას და არაფერს აკეთებს, ეს ბიჭი ნამდვილად კარგი მსახიობია.
- ჰაა?!! მიპასუხე შენ გეკითხები!- მარკის სიჩუმე კიდევ უფრო აცოფებს რეის.
- მაპატიე, მართლა არ მიფიქრია, თუ არ ეცოდინებოდა. ცუდი არაფერი ჩამიდენია.- თავს აცოდებს ბიჭს.- მაპატიე გთხოვ, დაუფიქრებლად მოვიქეცი, ვხვდები. გპირდები აღარ განმეორდება.
- იცოდე, შენს ქმედებებს დავაკვირდები, არ გაბედო ისეთი რამის გაკეთება, რაც აივანს დააზიანებს!- საჩვენებელ თითს უტრიალებს სახესთან მარკს.
YOU ARE READING
One Night Stand
Romanceთქვენი აზრით გაამართლებს თუ არა, ერთი ღამით დაწყებული სიყვარულის ისტორია? ან რა მოხდება თუ ბედისწერა მათ, ერთმანეთს კვლავ შეახვედრებს? ⚠️🧍🏻❎🧍🏻 ⚠️🔞
