𝘽𝙖𝙙𝙡𝙮 𝙬𝙖𝙣𝙣𝙖 𝙠𝙞𝙨𝙨 𝙮𝙤𝙪 [ 𝙥.𝙨. 𝙞 𝙡𝙪𝙫 𝙪]

᯽7(U)᯽

အလာတုန်းကအတိုင်းပင် အပြန်ခရီး၌လဲဂျိတ်ခ်တစ်ယောက် ဆောင်းဟွန်းကားပေါ်တွင် ထပ်မံအိပ်ပျော်သွားပြန်သည်။

ဂျိတ်ခ် တရေးအိပ်ပျော်သွားပြီး နိုးလာသောအခါ သူတို့က မြို့ထဲကိုပင် ပြန်၀င်ရောက်ပြီးနေပြီဖြစ်ကြောင်းသိလိုက်ရသည်။

အစတွင် ဂျိတ်ခ်‌ကမ‌ေသချာ‌ေပါက် အိပ်ချင်မ‌ေနခဲ့‌ေသာ်လည်း ယခုနိုးလာသောအခါတွင် သူဘယ်တုန်းကအိပ်ပျော်သွားမှန်းပင် မသိလိုက်ပေ။

ရုတ်တရက် ဂျိတ်ခ် ဒီနှစ်ရက်အတွင်းမှာပင် သူ့ကိုယ်သူ ငါးဆားနယ်တစ်ကောင်(ငပျင်းလေး)အဖြစ်ပြောင်းသွားပြီလားဟုတောင် သံသယဖြစ်သွားမိသည်။

သူက နောက်မှီကို တစ်ကိုယ်လုံးဖြင့် မှီထားရာမှ ထလိုက်ပြီး
လက်တွေကိုအနည်းငယ်မြှောက်လျက် ခါးကိုဆန့်ရင်း အကြောလျှော့လိုက်ကာ ပျင်းရိစွာဖြင့် သမ်းဝေလိုက်သည်။

သူ့ခါးကိုဆန့်လိုက်သဖြင့် ၀တ်ထားသောရှပ်အကျီအောက်ဖျားမှာအပေါ်သို့တက်သွားပြီး ဖြူဖွေးသော ခါးလေးကတစ်စွန်းတစ်စ ပေါ်သွားလေသည်။

သမ်းဝေထားသဖြင့် ဂျိတ်ခ်ရဲ့ မျက်၀န်းနားတစ်ဝိုက်တွင် မျက်ရည်များဖြင့် စိုစွတ်နေပြီး အိပ်ထား‌ေသာ‌ေကြာင့် အကျီကော်လာက လျော့တိလျော့ရဲဖြစ်‌ေနကာ ညှပ်ရိုးတစ်စုံကို ပိုပြီး ပေါ်လွင်သွားစေသည်။

ခေါင်းပေါ်မှဆံပင်လေးများကလဲ အနည်းငယ်ပွ‌ယောင်းနေကာ အိပ်ချင်မူးတူးလေးဖြစ်နေသေးသော်လည်း ထိုသို့ ကပိုကရိုလေးနှင့် ချစ်စရာကောင်းနေသောပုံစံ‌ေလးကပင် လူ‌ေတွကို သူ့အား အနိုင်ကျင့်ပစ်‌ချင်စိတ်ပေါက်လာစေရန် လှုံ့ဆော်ပေးနေသလိုပင်။

ဂျိတ်ခ်နိုးလာထဲက ဘေးကလူကိုသာအာရုံစိုက်ထားသော ဆောင်းဟွန်းခမျာ ထိုမြင်ကွင်းကို မျက်လုံးထောင့်မှ မြင်လိုက်ရပြီး သူ့လည်စိက အပေါ်အောက်လှုပ်ရှားသွားသည်။

ဆောင်းဟွန်းက အာရုံလွှဲလိုက်ပြီး အရှေ့ကလမ်းမကိုသာ တည့်တည့်ပြန်ကြည့်ကာ ခြောက်သွေ့သွားသော နှုတ်ခမ်းကို တစ်ချက်သပ်လိုက်သည်။