𝘽𝙖𝙙𝙡𝙮 𝙬𝙖𝙣𝙣𝙖 𝙠𝙞𝙨𝙨 𝙮𝙤𝙪 [ 𝙥.𝙨. 𝙞 𝙡𝙪𝙫 𝙪]

᯽10(U)᯽

အိပ်ယာဘေးမှ နှိုးစက်သံက နှစ်ခြိုက်စွာအိပ်မောကျနေသော ဂျိတ်ခ်ကိုနှောင့်ယှက်လိုက်သဖြင့် ဂျိတ်ခ်ရဲ့ မျက်ခုံးတန်းလေးတွေတွန့်လို့သွားသော်လည်း မနိုးသွားပေ။

ထုံးစံအတိုင်း အကြိမ်ကြိမ်မည်နေသော နှိုးစကိကိုပိတ်ကာ ပြန်အိပ်နေစဉ် ပုံမှန်မဟုတ်တဲ့ သူ့အိပ်ခန်းတံခါးကိုခေါက်နေသောအသံများကြောင့် ဂျိတ်ခ် မထချင်ထချင်နှင့်နိုးလာရတော့သည်။

ထို့နောက် အိမ်တွင်ရှိသောသူနောက်တစ်ယောက်ဖြစ်သည့် သူ့အစမ်းခန့်ချစ်သူကောင်လေး ဆောင်းဟွန်းဆီမှ အသံကိုကြားလိုက်ရသောအချိန်တွင် ဂျိတ်ခ်မှာ လုံး၀ကိုနိုးကြားသွားလေပြီ။

*ဒေါက်...ဒေါက်...ဒေါက်*

"ဟန်နီရေ အခုမထရင် ကိုယ်တို့နှစ်ယောက်လုံး ကျောင်းနောက်ကျတော့မှာနော် အိပ်ယာထတော့လေ လိမ်မာပါတယ်"

ဂျိတ်ခ်က ချက်ချင်းပင်အိပ်ချင်မူးတူးလေးနှင့်ပြန်ဖြေလိုက်သည်။

"အွန်း အွန်း နိုးနေပါပြီလို့~"

တံခါးအပြင်ဘက်မှဆောင်းဟွန်းက ဂျိတ်ခ်ရဲ့ခပ်ချွဲချွဲအသံလေးကိုကြားပြီး အိပ်ယာထကာစဂျိတ်ခ်ကိုမြင်ယောင်ကာ အသည်းယားမိသွားလေသည်။

"ဒါဆိုလဲ ရေမိုးချိုးပြီး မြန်မြန်ပြင်ဆင်တော့

ကိုယ်မနက်စာပြင်ထားတယ်"

"Okay ပါ~"

ဂျိတ်ခ်က ရေချိုးခန်းထဲ ၀င်သွားရင်း သွားပွတ်တံကိုယူလိုက်ကာ စိတ်ထဲမှလဲ *မနက်အိပ်ရာနိူးသည်နှင့် ဆောင်းဟွန်းပြင်ပေးတဲ့မနက်စာစားရမှာ အရမ်းကောင်းတာပဲ* ဟုမနေနိုင်စွာတွေးမိ‌ေလသည်။

*ဟူး~ရည်းစားရှိတာအရမ်းကောင်းမှန်းအရင်ကမသိခဲ့ဘူး

ငါ့လိုရည်းစားမရှိတဲ့လူတွေရဲ့ဘ၀က အရမ်းခက်ခဲမှာပဲနော်

ဒါ့အပြင် ဆောင်းဟွန်းလိုရည်းစားကလဲမရနိုင်တော့ သူတို့ဘ၀ကြီးက  ဒဘလယ်ခက်ခဲနေမှာပဲ

ကျွတ်...ကျွတ်...စိတ်မကောင်းလိုက်တာ*

ထို့နောက် မနက်စောစောစီးစီး သူ့လိုရည်းစားမရှိသူတွေအကြောင်းတွေးမိကာ စိတ်မကောင်းဖြစ်နေသူလေး ဂျိတ်အိခုမှာတော့ ထိုအကြောင်းကိုဆက်မတွေးတော့ဘဲ ဆောင်းဟွန်းအကြောင်းပဲတွေးကာ ပြုံးပြုံးကြီးနှင့် သွားဆက်တိုက်နေတော့သည်။