𝘽𝙖𝙙𝙡𝙮 𝙬𝙖𝙣𝙣𝙖 𝙠𝙞𝙨𝙨 𝙮𝙤𝙪 [ 𝙥.𝙨. 𝙞 𝙡𝙪𝙫 𝙪]

᯽11(U)᯽

Ethan နဲ့စကားရပ်ပြောနေစဉ် ဂျိတ်ခ်မှာ ရုတ်တရက်ကြီး ကျောရိုးတစ်လျှောက်အေးစိမ့်လာပြီး ကြက်သီးထလာသလိုခံစားလိုက်ရသည်။

နှာခေါင်းကပါယားကျိကျိဖြစ်လာတာမို့ နှာချေလိုက်ပြီး ခေါင်းပြန်မော့လိုက်ချိန်တွင် ပြတင်းပေါက်မှာ သူ့ကိုရပ်ကြည့်နေသူကြီးကိုတွေ့လိုက်ရတာမို့ ဂျိတ်ခ်မျက်၀န်းလေးတွေဝိုင်းစက်သွားလေသည်။

ဆောင်းဟွန်း၏ ရေခဲတမျှအေးစက်နေသောအကြည့်ကြီးနှင့် အကြည့်ချင်းဆုံသွားချိန်တွင် ဂျိတ်ခ်ခေါင်းထဲ *မကောင်းတော့ဘူး!*ဟု တွေးမိသွာ‌းလေသည်။

ဂျိတ်ခ်တစ်ယောက် မိုးရွာခါနီးတိမ်‌စိုင်တွေလို မှောင်မဲနေတဲ့ဆောင်းဟွန်းမျက်နှာကြီးမြင်လိုက်သဖြင့် နမိတ်မကောင်းတော့သလိုခံစားလိုက်ရသည်။

မျက်နှာချိုသွေးတဲ့အနေဖြင့် ဆောင်းဟွန်းရှိရာမျက်နှာမူကာ အရူးကွက်နင်းပြီးရယ်ပြလိုက်သောအခါ ဆောင်းဟွန်းက သူ့ကိုဘာအမူအရာမှမပြဘဲ ဆက်ပြီးစိုက်ကြည့်နေလေသည်။

ဂျိတ်ခ်တစ်ယောက် တံတွေးမြိုချလိုက်ပြီး ပြုံးတာရပ်လိုက်သော်လည်း ဆောင်းဟွန်းက  Ethanကိုတစ်လှည့် ဂျိတ်ခ်ကိုတစ်လှည့် ကြည့်ကာ မျက်ခုံးပင့်ပြလာသည်။

ဂျိတ်ခ်လဲဆောင်းဟွန်းကြည့်တဲ့အတိုင်းလိုက်ကြည့်မိရင်း Ethanနဲ့သူနဲ့ကြားက နီးကပ်နေတဲ့အကွာအဝေးကိုသတိထားမိသွားပြီး ခြေတစ်လှမ်းဆုတ်လိုက်သည်။

ထို့နောက် ဆောင်းဟွန်းကို ချစ်ဖို့ကောင်းအောင် ခေါင်းလေးမော့ကြည့်နေလိုက်သည်။

သို့သော်ဆောင်းဟွန်းက မျက်ခုံးကိုသာနောက်တစ်ကြိမ်ပင့်ပြပြန်သဖြင့် ဂျိတ်ခ်လဲနောက်ကိုခြေတစ်လှမ်းဆုတ်လိုက်ပြန်သည်။

ထိုသို့ဖြင့် ဂျိတ်ခ်မှာကြိုးစားပမ်းစားနှင့် ခြေလှမ်းသုံးလှမ်းစာလောက် နောက်ဆုတ်လိုက်မှသာ ဆောင်းဟွန်းက မျက်ခုံးမပင့်ပြတော့ပေ။

ဂျိတ်ခ်လဲ သူ့ကောင်လေးသူ စိတ်ထဲကနေ မျက်လုံးလှန်ပြလိုက်သည်။