දෑසේ දුරින්~ ||TK||✔

දෙවන කොටස.

Sneha's Pov~

මෙච්චර දවසක් වේදනාව දිය කරලම මහන්සි උන අහසත් අද ලස්සන නිල් පාටක් ගහලා දිළිසෙද්දි, 10:20 බස් එකේ ආපු මන් අහස දිහා බලාගෙන උන්නා.. පවු.. අහසත් කරන්නේ හැමෝගෙම දුක එකතුකරගෙන ගිහින් දරන්නම බැරි තැන අඩන එක.. අහසටත් මහන්සි දැනෙන්නැතුවද !!

ටිකක් පාට ගහලා සතුටෙන් දිළිසුන අහස නිසාම දාඩියෙන් පෙගිලා හිටපු මම බෑග් එකෙන් කුඩයක් අරගෙන ඉසලගත්තා..

ම්හ්....ක්.. අද ඉරිදාවක්.. වෙන උන්ට ඉරිදා කියන්නෙම හරි ලස්සන දවසක් උනාට, මටනම් ඉරිදා කියන දවස කැලැන්ඩර් එකෙන් ගලවලා අරගෙන ගිලින්න පුළුවන්.. ඒ තරම් තරහයි.. ඉරිදටවත් නිවාඩුවක් නැතුව ක්ලාස්.. ක්ලාස්.. ක්ලාස්.. සතියේ දවස් පහේම උදේට ස්කෝලෙට බඩගාලා.. හවසත් ක්ලාස් බඩගාලා ගෙදර එන්නේ හොද පණ ගිහින්.. මන් දන්නවා.. ඉගන ගන්න ඕනේ තමයි.. ඒ උනාට, වයසක උන්දැලා කියන එක හරි.. අපිට කෝ ළමාකාලයක් !!

තනියම පණ්ඩිතකම් හිත හිත හිටපු මම නොදැනිම institution එකට යන පාර ගාවට ඇවිත් තිබුණා.. ම්හ්ක්.. කවුරුත් නැතුව ඇති.. ඔවු ඉතින්.. 11:30 ට තියන ක්ලාස් එකට 10:20ට එන්නේ මොන මෝඩයද.. එපා...... වෙනවා අප්පා !!

හිතත් එක්ක බිබික්කම වගේ කියව කියව ආපු මම පටු පාර දිගේ institution එකට ලං වුනා.. මන් කිව්වේ.. මොකෙක්වත් නෑ.. institution එක ඇරලා තිබ්බට මොකෙක්වත් නෑ..

ඇන්ටිවත් හිටියනම් කෝප්පයක් හෝදන්න තිබ්බා.. මං ඉතින් ඇන්ටි නැති එක ගැන හිතෙන් සෝක වෙවී හොල්මන් බංගලාවක් වගේ තියන institution එක ඇතුලෙන් ඉදගත්තා..

තනියෙන් තමයි අප්පා.. ම්හුක්.. ගඩොල් කැට වලට කතා කරන්න පුළුවන් උනානම් සෝක් නේත.. කෝප්ප හෝදන්න තිබ්බා.. අප්පෝ.. ඒ උනාට ගඩොල් කැට කීයක්ද.. හච පච ගාද්දි දෙන්ඩ හිතෙයි කුඩුවෙන්න.. ම්හුක්.. අපරාදේ..

ටීක් බෝල ගෙඩි වගේ තියන ඇස් දෙක රෝල් කර කර මන් තට්ටු තුනක් තියන institution එක දිහා බැලුවා.. ම්හු...ක්ක්ක්..

බෑග් එක ඩෙස්ක් එකකට විසි කරපු මම බෑග් එකෙන් ෆෝන් එක අරගෙන ඒක ඔබ ඔබම බංකුවකින් ඉදගත්තා.. අනේ මන්දා.. මේක ඔබද්දි වෙලාව යන්නෑ තමා.. මන් W අකුර තියන තැඹිලි පාට ඇප් එකෙන් එළියට ඇවිත් වෙලාව බැලුවා..