[Unicode]
"စတုတ္ထရာ"
"အင်း ဘာလဲ"
ပါးစပ်ကသာဖြေနေပေမယ့် အာကာမင်းမောင်အား မကြည့်။ TV ရှိ ကိုရီးယားကားကိုသာ အကြည့်မပျက်။
"စတုတ္ထရာလို့"
"အင်းလို့"
"စတုတ္ထရာ"
"ဘာလဲ အာကာမင်းမောင်ရေ။ သေမလို့ ခေါ်နေတာလား"
အလိုမကျစွာ မျက်မှောင်တို့က တွန့်ခေါက်စွာ လှည့်ကြည့်လာသော စတုတ္ထရာ။ စတုတ္ထရာ၏ အရည်လဲ့နေသော မျက်ဝန်းတွေကို ငေးကြည့်နေမိသည်
"ပြော လူသားကောင် အာကာမင်းမောင်။ ကိုရီးယားကား ကြည့်နေတာကို အရေးကြီးကိစ္စမဟုတ်လို့ကတော့ မင်းနာမယ်"
"မင်း ငါ့ကို အာကာမင်းမောင် အာကာမင်းမောင် လို့ ခေါ်နေရတာ မရှည်ဘူးလား"
"ရှည်တော့လဲ ဘာတတ်နိုင်မှာလဲ။ မင်းနာမည်က အာကာမင်းမောင်ဖြစ်နေတာကို ငါကဘယ်လိုခေါ်ရမှာလဲ"
"မင်း ခေါ်ရတာ ရှည်နေရင် မောင် လို့ခေါ်ပါလား"
"ဖလူး......."
အအေးကို ပိုက်နဲ့စုပ် သောက်နေသည့် စတုတ္ထရာ က ရှေ့မှ အာကာမင်းမောင်၏ မျက်နှာအား ပါးစပ်နှင့် အအေးတို့ကို ပက်ဖြန်းပေးလိုက်ခြင်းပေ။ အာကာမင်းမောင်ကတော့ မျက်နှာပေါ်က အအေး များကို လက်ဖြင့်သာ သုတ်နေလေသည်။
ဒီအခေါ်အဝေါ်အား သူသိပါသည်။
လူ့ပြည်မှာ သမီးရည်းစား ချစ်သူ စုံတွဲတွေ ချစ်စနိုးနှင့် ခေါ်ဝေါ်တတ်သည့် အသုံးအနှုန်း။
"ဘာ ဘာလို့ခေါ်ရမှာလဲ ငါက"
"မင်း ငါ့နာမည်ခေါ်ရတာ ရှည်နေတယ် ထင်လို့ပါ။အာကာမင်းမောင်ကို မောင် လို့ နောက်ဆုံးတစ်လုံး အဖျားစွတ်ပြီးခေါ်ပေါ့"
မောင်ဆိုသော နေရာတွင် လေသံကို တမင်နှိမ့်ချ၍ သူ့အား စူးစိုက်ကြည့်ကာ ပြောနေသော လူသားကောင်ကြောင့် ရုတ်တရက်ကြီး အခန်းက ပူလောင်သွားသလိုပင်။ ချွေးများပင်စို့ချင်လာကာ လူသားကောင်နှင့် မျက်နှာလွှဲလိုက်မိသည်။
"မခေါ်ချင်ဘူး ရတယ်။ ရှည်လဲ ငါ ခေါ်ရတာ အဆင်ပြေတယ်"
"အင်း။ မင်းသဘောပါလေ"
YOU ARE READING
ကိုယ်စောင့်နတ်က ငါ့ယောကျာ်း [Complete]
Fantasiaအူကြောင်ကြားကောင်လေး တစ်ယောက်နဲ့ သူ၏ အူကြောင်ကြောင် ကိုယ်စောင့်နတ်အကြောင်း...။ 𝐂𝐨𝐯𝐞𝐫 𝐀𝐫𝐭- 𝐌𝐚𝐝𝐝𝐢𝐞 အူေၾကာင္ၾကားေကာင္ေလး တစ္ေယာက္နဲ႕ သူ၏ အူေၾကာင္ေၾကာင္ ကိုယ္ေစာင့္နတ္အေၾကာင္း....။
![ကိုယ်စောင့်နတ်က ငါ့ယောကျာ်း [Complete]](https://img.wattpad.com/cover/343907155-64-k699546.jpg)