បំបាក់ស្នេហ៍សិស្សច្បង

ភាគទី១៨

__Hyunlix

នៅក្នុងឡានហាក់មានសភាពស្ងប់ស្ងាត់តាំងពីចេញពីហាងកាហ្វេរបស់ថេហ្យុងមកគ្មានអ្នកណានិយាយអ្វីឡើយ ក្នុងឡានពេលនេះមានតែសំឡេងដកដង្ហើមរបស់មនុស្សពីរនាក់ប៉ុណ្ណោះ។ ដោយស្ងាត់យូរពេកហ្យុនជីនក៏ផ្ដើមនិយាយមុន

"អឺ...ហ្វីលីក..."នាយហៅរាងតូចតិចៗទាំងភ្នែកកំពុងសម្លឹងមើលផ្លូវ

"បាទ សិស្សច្បងមានអ្វីមែនទេ?"ហ្វីលីកដកភ្នែកចេញពីបង្អួចងាកមកមើលមុខនាយ

"គឺ គ្មានទេគ្រាន់តែចង់សួររឿងមួយ"

"រឿងអ្វីទៅ?"

"តើឯងបាត់ទៅណារយៈពេល2ខែមកនេះ" ដំបូងនាយមិនចង់សួរនោះទេ ប៉ុន្តែគេមិនអស់ចិត្តក៏សួរតែម្ដង

"អរ គឺខ្ញុំទៅអូស្ត្រាលីជាមួយបងប្រុស"

"អឹម" នាយងក់ក្បាលតិចៗហើយក៏ផ្ដោតលើការបើកបរបន្តទៀត សភាពក្នុងឡានក៏ប្រែជាស្ងប់ស្ងាត់ម្ដងទៀតរហូតដល់ភោជនីយដ្ឋាន។ នាយចតឡានហើយក៏ចុះមកព្រមគ្នាជាមួយរាងតូចក៏ឃើញអ្នកផ្សេងទៀតកំពុងឈរចាំក៏ដើរទៅរក

"តោះឆាប់ចូលទៅពូបានកក់បន្ទប់VIPរួចហើយ"ឃើញគ្នាមកគ្រប់ហើយជុងហ្គុកក៏បបួលចូលទៅ

"ឈប់សិនលោកពូ មិនបបួលពូយ៉ុននិងពូមីនមកដែរទេហេស?"ស៊ុងហ៊ុមសួរ

"ចូលសិនទៅចាំពូខលទៅបបួល"

"បាទ" គ្រប់គ្នាក៏ដើរចូលទៅក្នុងភោជនីយដ្ឋានទាំងអស់គ្នា ដោយស៊ុននូដើរអោបដៃថេហ្យុងជាប់ដូចខ្លាចអ្នកណាចាប់អាប់ប៉ាបាត់អញ្ចឹង

"សូមស្វាគមន៍"ដើរចូលដល់ក្នុងហាងក៏មានបុគ្គលិកឈរចាំទទួលយ៉ាងកក់ក្ដៅ  ពួកគេក៏ញញឹមតបវិញហើយដើរចូលទៅខាងក្នុង

"អូហ៍! សួស្តីលោកចន"អ្នកគ្រប់គ្រងក្នុងភោជនីយដ្ឋាននោះក៏ដើរមករាក់ទាក់នាយ

"បាទសួស្ដី ខ្ញុំបានកក់បន្ទប់VIPហើយ"

"អរ ចា៎ស អញ្ជើញមកខាងនេះ"

"បាទ" អ្នកគ្រប់គ្រងនោះក៏នាំពួកគេទៅរកបន្ទប់VIP

__VIP_room

ចូលមកដល់ខាងក្នុងបន្ទប់នេះធំទូលាយល្អណាស់ថែមទាំងមានតុវែងមួយតុខ្លីមួយសម្រាប់ភ្ញៀវដែលមានគ្នាច្រើន គ្រប់គ្នាចូលអង្គុយក្នុងតុ