٣________٤
#عشك_الملا_غربال_ج١
#عشك_الملا ٣
#هدير
لاتنسون التصويت لطفا
ــــــــــــــــــــــــــــــــــــــــــــــــــــــــــــــــ
توترت اكثر واستحيت من نفسي ,مشيت سريع شفت رجال كبير بالعمر يسقي الزرع ورجال ثاني يقلم الاشجار رحتلهم ,
- السلام عليكم عمو
- عليكم السلام بويه
-عمو فدوه (****) موجود ؟ وهنا غرفته؟
- اي بويه هناك على ايدج اليمنى
- مشكور عمو
مشيت وصدك لكيتها دخلت وشفت الكاتبه تستنسخ اوراق ووحده ثانيه تخليهم بالفايل يطلع عمرها بالاربعين ..مرتبات ووجههم ضاحك فتت سلمت وسالت
- امشي حبيبتي اخذج
- مشكوره حبي عفيه حيل مستعجله
- تعالي
رحت وراها عدلت ملابسي وكمت اهفي على وجهي منا توتر الملا والفشله الزينه ومنا توتر المكان واخاف من الخجل اجفص بالحجي
وصلتني دكيت الباب وصاح :- اتفضل
دخلت ..هو ابتسم :- بنت الدكتوراحمد مو
- نعم استاذ
- نورتينا بابا اتفضلي استريحي
- احم ..لا استاذ مشكور بس اريد اكمل النقوصات الي عندي بلغوني انو الفايل بي خطا مااعرف شنو
- اي بنتي مواليدج كاتبي 1995
- لا دكتور مواليدي 1993
- ماشي ..لقبج ؟
- الـ ****
- جيد .. اسرار احمد حامد الـ**** مواليد الـ 1/1/1993 ... معدلج بالتسعين !! وعالي شعجب؟؟
رفع راسه
- تحقيق الهدف والحلم افضل من اللجوء للدراسه بقسم او اختصاص غير حلمك وهدفك من الطفوله
- ممتاز ..صح لسانج
- تسلم دكتور خلصت كل الاجراءات ؟
- بلي بنتي بس بقه تجيبين 3 صور وتخلص
- ماشي دكتور
اندك الباب ..
- اتفضل
التفتت ع الباب لا اراديا ..دخل الملا وصعدت الحراره بجسمي صارت عيني ب عينه دنكت والتفتت ع الدكتور اجه صوت الدكتور وهو يلقي التحيه :- حيالله الملا
- الله محي اصلك دكتور
- استريح
- لا دكتور مستعجل بس هاي الفايل
