٢٥_______٢٦
#عشك_الملا_غربال_ج١
#عشك_الملا غربال
لاتنسوووون التصووووويت
وجع وحشة
وظما ايفتت
أناشغ والدموع اتكت ..
شاورني الجرح "عوفه" وگَلتله اسكت.!
#غربال
بيدي رساله قديمه مكتوبه بقلم جاف ،رساله عتيكه مثل روحي
مدنك راسي مادري اضحك لو اطك روحي بلجن تهده من وجرها
شمفين وشمسوي ؟
نطفه نكسه لو بزر حرام ؟
كامت روحي تكرظ بروحي
الرسالة :
"هذا فرخكم لا اريدنكم ولا اريدنه وعساه بالموت ويحترك وياكم ربو انتم وحسبي الله ونعم الوكيل عليكم "
كمت افتر بالشوارع
شوارع بارده ،ودخان صدري الدك بضلوعي جن مسجون بصدري يطلب الحريه
لا هو الطالع ومريح كلبي
ولا انا المرتاح وهو بصدري
من انه صغير ريتي امتلت دخان الاهاين والحجي
، امشي ورجلي تاخذني الصوب دار جده مشتاككككك حيللللل مشتااااااااك وبس هي تدور علاجي وجان كل علاجي شيلتها وريحة المسچ اللازكه بيها
واكظ روحي كظة ام فاكدة ولدها لجل مايندفن
كظيت روحي كظ وانا عاصر جف ايدي
الدنيا تكتل برد بس جسمي يجوي عبن روحي موجره نار
طك بيه الحنين ليها
لا بيه ارد للبيت وحشه
ولا بيه اروحن أحط راسي على امتونها واكلها "لوليلي" يمه انه تعبان حيل تعبان
من كلشي تعبان
انه تعبان من روحي انه احسن روحي ثكلت على روحي
رحت للجسر
ذبيت القمصلة واللفاف وذبيت القميص وبقيت عريان الصدر گافكيت ذراعي وغمضت ...
كمت اجر النفس جر
واسحب هوه بارد أريدن شي يبرد روحي
ناااار حركتني حرررك حرررررك
فركت وجهي وطخ العلگ بوجهي حطيته على خشمي وشميته شم
- ااااااااااااخ ااااريدج ،والله اريدج
صعدت حراره بجسمي غمضت وي جرة النفس صارت نغزه بكلبي
رد صوتها يرن بذاني :-اسفه فدوه اسفه
امتلت روحي عشك وشوك ووله ليها غمضت وايدي على صدري
- لو اكظج فلا ارحم فلاااا ارررحم حلاوه ورب الكعبه ل اطلع حيف السنين بشفا..
سحبت نفس عميق :- استغفرك ربي
وصعدت بالسياره
رخيت راسي ع الكشن ،غمضت ووجها حاوط وجهي :- روحي حلاوه روحي (رخيت وتنفست ) ابوس شفاي....
قبل ماكمل فزيت كبل ضايج ماريدن احجي شي حرام يخصها كلبي ماينطيني
فركت وجهي وغسلت بالسياره نكعت روحي وانا اطردها من راسي :- استغفر لله ياربي شجابج لفيتي براسي هو انا مسموط احتركت خالتج نهيوه طركاعه مو مره موتتيني
صفنت على روحي :- لا بويه هيج ماتفيد السالفه
