#عشك_الملا (غربال)#بارت٤٨
لاتنسون التصويت ومتابعة الحساب والتعليق على كل فقرة ❤️
للتنويه/
بارت اليوم يهز البدن ، فـ أتمنى تتحملون الي راح تقروه ❤️ اعتذر لان راح اكتب هيج بس مضطره لان شي يجر شي
كل الاحداث في البارت حقيقية وُمصوّرة
قراءه ممتعة
- إن أسوأ ما قد يحل بالمرء، أن تذهب كل تضحياته أدراج الرياح، أن يظن بأن مثله لا يهون، فيُهان في النهاية ودون أن يكون متأهبًا لذلك.
قريت الرسالة ، وحسيت انصعقت !!!!
كل جسمي جمد وماتحركت
باوعتلها تضحك:- عزا العزاه شلون جريء بس حياتي والله هو متعود لسانه ويايه اني كتلج عههههههه
رفعت راسي الها :-بس ماكو هيج وقاحه وسخافه من كل عقله هذا !!!
فاتن:- لاتكبرين الموضوع هو دينبهج حتى تنتبهين
حلاوه :- ينبهني شنو ؟؟؟ عيب يحجي هالحجي بهالسالفه وفوك هذا يكُلج راويها لو الرساله الها
كالت وجهه وعوجت حلكها:- فوك مدينبهج خاف احد يجي وبعدين هو مقصده شي قصده *** طالع استفزه لان هو بحب الترتيب والصراحه ممرتبه لتزعلين مني
حسيتها تلزك بالحجي تلزيك:- والله عاد اذا انتِ عندج عادي ف اني لا افتهمتي وكليله خلي يحترم نفسه وهذا اخر يوم اداوم بي هنا
شمرت الي بيدي ورحت للحمام بيدي جنطتي
كل جسمي يرجف
خابرت الامي ماردت
رجعت خابرت خواتي وبجيت:- هذا الحقير هيج گَلــي
نور :- بسرعه طلعي من المكان وانعل ابو لابو شغله
سيلا :- والله العظيم شميت بي ريحة مطايا
حلاوه :- حطلع اني دااحس ࢪوحــي مختنكه المكان مقزز
سديت الخط من البنات
وبسرعه لملمت اغراضي وطلعت
بس طلعت من الحمام شفته بوجهي كاعد ومخلي رجل
على رجل ، وبيده نركيله ، باوعلي من رجلي لحد وجهي
لعبت نفسي منه
مشيت اريد اعبره فاتن حجت
فاتن:- استاذ بس اسرار حتترك الشغل
التفتت عليها تضحك وتباوعله
وهو ضحك وياها بصوت مسموع :- شلون تتركه؟ متكدر تتركه فتونه
درت وجهي تجاهلت ماردت اسمعهم بسرعه طلعت اريد افتح الباب وكل جسمي يرجف من الرعب والخوف والوحده فتحته شفته مقفول !!!
ضحك بصوت عالي وضغط دكمة الستائر ،
نزلت ستائر الكوزمتك ؏ الجام كُله !!!!!
حلاوه :- فاتن افتحي الباب رجاءاً ...!!!!
باوعتلها وصرت ارجف بقوه وشفايفي ترجف هو يضحك وهي تضحك :- فتحووووو الباببببب
كمت ادفع بالباب واصيح:- فتحي الباب فتحي الباب كتلج
رفعت ايدها وعوجت وجهه وضحكت بمعنى ( مالي شغل ، معليه )
باوعتله :- استاذ افتح الباب اني ماريد اداوم
