٣٥__________٣٦
#عشك_الملا
لاتنسوون التصوييييت ✅✅
#هيثم
ودي احط گصتي اعلى كصتك وابجي سكته
ودي كل الناس تمشي وتبقى انتَ
بس انتَ
صافن بيها نايمه نومه عميقه ، هدب عينها يتحرك
بعيونها وهي نايمه حچي ،
رموشها ، شفايفها
بياضها ظفيرتها
ايدي تتلمس ملامحها بهدوء خايف انها تكعد
من اغمه عليها فزت وراها نامت بدون شعور
تعبتني وعجزت افهم شبيها
اتقرب منها تبعدني
ابتعد ترجع تقربني
النظره منها تحركني حرك ، ان جانت نظرة حب كلبي يحترك يريدها
وان جانت نظرة زعل احترك اكثر لان مايهوووون
الانسان الي تحبه والي يشتري خاطرك ويدور رضاك والي يكلك احبك ويحجبها كلب وعقل ولسان ماتهون عليه لا والله ماتهون
بيوم الي يهون زعلك
ويهون حزنك
وضيگة خلكك
اعتبر علاقتك ومكانتك بهذا الشخص اهتزت وتغيرت وصرت تهون
كلمه وحده بس هالكلمه بيها حجي هواااااااي وحجي ثكيل يوجع ويهد الحيل
دام انه هنت معناها خلصت ... من كلشي خلصت ..
تفكر وعقلك يكلك
شلون هانت عليه يسوي هيج ؟
هيثم : شصاير بيج وذبلانه ؟ عيونج منو التعبهن بنيتي ؟
رفعت راسي بستها وايدي تداعب رموشها
هيثم : تعبج ياكل بروحي اكل ماچنه التعب بيج ومنج ،چن التعب بروحي انه انازع تعبچ وتعبي بويه
سحبتها الحضني تحركت مديت ايدي جوه راسها نايمه نومه عميقه بسبب الابره ..
شميت شعرها : اخ يابه
حجت بصوت تعبان : تعبانه ..
رفعتها الصدري ناعمه وصغيره جنهه طفله : شبيج بابا منو متعبج
مغمضه وتحجي : الدنيا والذكريات والماضي والحاضر كلشي
- اذا كلبي يسمعلج ليش ماتحجيله ؟ تعرفين لو بنص تعبي وشغلي تختبريني اطر البيدي والمچ بحضني
هو انه شعندي غيركم ؟ انه اتعب واشتغل لجل تعيشون مرتاحين
- الي بيك مكفيك
- الي بيه انتِ جُمان الي بيه انتِ
- اكو حچي منكدر نحجيه اكو حجي لو طلع من كلبنا يأذي المقابل الناس ماالها علاقه بحزنا ولا الها علاقه تنصاب بحالة اكتأاب وحزن لان كل واحد همه يكفي ويوفي كل واحد شايل حزن بكلبه مو ناقصه حزن الناس
- انه مو ناس انه رجلج
- مااكدر احجي شي لو احجي ممكن نروح للهاويه كلنا اني ان شاءالله انسى بس اصبر عليه
