⚘⚘⚘⚘
٢١_______٢٢
#عشك_الملا_غربال_ج١
#عشك_الملا ٢١
#عشك_الملا
لاتنسون التصويت ♥
"غربال " "الملا جواد "
من المأتم كبل للبيت سبحت وطلعت للمطعم فتحته
خابرت الولد نص ساعه واجو
ماجنت ناوي افتح المطعم بس شفت رزق الشباب من عنده مثل ماهو رزقي
وعدنا شباب بالمطعم معتمدين ع المطعم بلكمتهم وعيشتهم
حطيت الجاي ع النار
بين مارحت جبتلي كعك من واحد من. المواكب
كاعد بالمطعم اكل كعك وجاي
جان واحد دخل يحجي بصوت عالي
ـ عمي شسالفه دوختونا صبح وليل وعصر مشغلين مسجل افتهمنا ترا العالم مالها شغل اذا انته شيعي تسطر الوادم بشعايرك شعلينه احنه
طفر عليه واحد من العمال :- كاعدين على راسك احنه اذا مايعجبك سد ذانك ولا تباوع الشعايرنه احترم نفسك
ـ وانته منو حاجي وياك
ـ هسه اعلمك شلون تحجي
هجم عليه يريد يكتله كمتله وصحت :- رضااا عوفه هذا ضيفنا وفات المطعمنا نضيفه ونحطه برمش عينه خالي ..
ـ بس ملا
ـ رضاا
اشرتله بمعنى روح
كمت وكعدت يمه وهو يباوع مستهزء :- لو واحد يحجي تطلعونه غلطان
ـ عمي بس اسالك هذا السؤال
ـ كول
ـ الحسين عليه السلام منو
ـ حفيد النبي
ـ صلوات الله عليه والرسول هو نبي الامه مو ماكو فرق ?
ـ انا شعليه انا لا طائفي ولا شي انا عليه بهذن السوالف الي مسويهن برا موكب مدري شنو وعاشور ندري محرم تبجون ع الميت صارله الف سنه ضحكتو العالم عليكم
ـ باوع حبيبي اليضحك يضحك بالاخره واليضحك بالدنيا يبجي بالاخره وثاني شغله من تجيب همسا اسم الامام تكول الامام الحسين وتكملها بعليه السلام ومن تحجي تحجي ب ادب خوش ? وانا احجيلك هسه شنو عاشور وشنو موكب وتسمعني للاخر ...
ـ بس
ـ اسمعني ولا تقاطع حبيبي شوف
" موكب " او "هيئه "
ـــــــــــــــــــــــ
هو مكان مخصص لتوزيع الطعام والشراب مجاناً على جميع الناس واحياء ذكرى عاشوراء في كل عام حيث يتم طرح قصص وخطب ال البيت عليهم السلام وكل مايتعلق ب ال النبي صلوات الله عليهم
حيث يعد شهر محرم الحرام شهر الخير والبركات لما فيه من عظمه
حيث لايبقى جائع ولا فقير في هذا الشهر
وليس فقط من هذا الجانب وانما يتم التبرع بالدم في ليلة العاشر من محرم وهي ليلة استشاهد ابي عبدالله الحسين عليه السلام
