١٣______١٤
#عشك_الملا_غربال_ج١
#عشك الملا ١٣
رديت الها وجان اشوفها تمشي لمحتلي وهزت ايدها
ـ مانطاني كلبي اعوفج امشي يلا نصعد بالفورتات الي ع الشارع
ـ وخر عني ماريد تسوي علي فضل
ـ مو فضل الوجه الله وعبن غيرتي ماتسمحلي
ـ هم عندك غيره انته
ـ لا مكرن كدامج دمشي امشي تذبين سم من حلكج مو تفال
لزمت ايدها دفعتها
ـ استغفرالله
ضلت تمشي وامشي بصفها خبلتني بس تدردم ..لحد ماوصلنا للساحه
صعدنه وردينا للبيت ذبتنا ع الشارع وكملنه طريقنه مشي
ـ انت منيلك فلوس
ـ عندي خير من الله
ـ منيلك بس لا بايك لاتكعد تسويلنه طلايب ماناقصين
ـ غربال مايحط لكمة حرام ببطنه يغص بالحرام وعلي
ـ اكص ايدي
فتنا للبيت :-الله يهديج
استلمونا عمتي والحجيه
ـ عدت سلامات يمه لاتخافين
ـ شمالها نهيوه
ـ مابيها شي
ـ يمه شني شمالها ايدج شصارلج طكج المسودن هاااا? ?
ـ عوفيني يمه مابيه حيل
راحت وتمددت وعمتي نزعتها الحجاب والعبايه
رفعت راسي ع المصكوعه فرت راسي فر هالفصمه
رفعت راسها باوعتلي وخرت راسي واستغفرت
صاحت عمتي
ـ سراوي كومي جيبي مي الخالتج يلا ماماتي
ـ حاضر ماما
كامت للمطبخ وانارحت للغرفه اذب هدومي
مشيت واشوفها ماتلوح
رحتلها وشلتها وهي ضحكت تتنعوص
ـ انا اشيلج بعد خالج
- ههههههه عفيه نزلني
ـ اخذي الكلاص خالوو
اخذته ونزلتها
ـ شكرا
عمي غير مؤدبه بحياتي محد كايلي شكراً
ابتسمتلها
ـ شلونه راسج يوجعج
ـ لا خالو
ـ هههههههه عفيه صيحيلي خالو منا وجاي
ـ ماشي
راحت تمشي ع كيف والكلاص يهتز بيدها, خفت لايوكع ماي وتزلك وهي منا راسها مفلش
وكفتها اخذت رشفه من الماي:-
ـ هاي حتى مايطيح منه
ضحكت ورحت للغرفه ذبيت هدومي عركان اخذت هدوم ورحت للحمام سبحت دقايق ماطولت وطلعت للحديقه
