١٥________١٦
#عشك_الملا_غربال_ج١
#عشك الملا ١٥
من بعد استشهاد السيد محمد باقر الصدر ميسان انتفضت انتفاضه قويه لان السيد جان اله تأثير قوي على الشباب والناس بصورة كبيره بسبب رفضه للظلم والطغيان والهوان بذاك الوقت
بس انا جنت ماادخل بالسياسه ولا بالدين
مو خوفاً ع نفسي وانما خايف ع الحجيه لان ع هذا الاثر اعتقلوا وعدمو هواي شباب وانا من ادخل للبيت الحد ماارد هي تحلفني بروحها العزيزه مااختلط ولا افك حلكي بشي وكل كلامها
ـ الظلم مايدوم ييمه
ـ بس اذا انا اسكت وغيري يسكت منو اليحجي
ـ يمه ماتكدرولهم بس تفجعون امهاتكم بيكم وانت ييمه امانه وعلي لو ماامانه جان انا بيدي كتلك دافع عن ارضك بس ييمه انته بهالركبه وروح ابوي
ـ بس يمه
ـ غربال ماارضه عليك لو طلعت وخذوك لاتفجعني بيك وتأذيني
ـ اول مره تكليلي غربال الهالدرجه ضايجه مني
حطت ايدها على خدها مسحت دمعتها وشالت شيلتها وعكدتها
ـ انا هيج ييمه عاكدتك بهالشيله لو هالشيله انفلت يعني طلعت رويحتي وبعد انته بكيفك
ـ ليش تأذيني هيج وعلي احس روحي مكرن
ـ اريدن انامن روح اطلع اذلف يلا
عفتها وطلعت وانا شايط للستار متت موتتني احسها خانكتني ..
والهالسبب جنه انا وهيثم وحدنا ملتهين بشغلنه
بس هيثم جان متعمق بالسياسه
وينفتك حلكه لو جبت طاري السياسه يمه بعد مايسكت ويسب ويفشر عليهم
هالحجي كله وحدنه نكعد ونحجي ..لان جان محد يكدر يفك حلكه بشي حتى لو همساً ينسمع ينوخذ يروح ومايرجع اعدام او ينذبح لو بالمقابر الجماعه تفخيخ وتفجير
فـ انا جنت بس اسمع واسبهم بداخلي ويحترك دم دمي والحجيه واكفه بعيني
انطحن طحن
غير الينغدرون من اعز ناسهم وجان محد يأمن لان حتى اخوك يغدر بيك ..
نايم بالسطح والجو بي بروده لطيفه , متغطي للنص بالغطه المتوفر بكل بيت ..
هو مو غطه هو برده وانا مسوي ﭼـرﭼـف اتغطه بي
" الصور حقيقيه"
اعاين للسما شكد واسعه واعاين الروحي شكد الله رحيم بيه ورحمته اوسع من هالسمه ب اضعاف جا شكد رحيم!
لازم سبحتي بيدي واحمد الله على لطفه ورحمته غمضت ولفه طيفها براسي سحبت نفس عميق حسيت ريتي انترست ذبيته :- ااااخخخ
رد طيفها يمر براسي ..شجابج مكموعه شجابج بتوالي الليل ... اخ يانار كلبي بعدك بكد النعل وتتمعشك شني من عشك هاذ
