#عشك_الملا_غربال ....بارت٥٨
لاتنسون التصويت ومتابعة الحساب والتعليق على كل فقرة 💙
———————————
لقد ادركت مؤخرًا ماذا يعني أن يصل المرء إلى ذروة اللاشعور ، أن يراقب مشاعره وهي تضيع دون أن يستطيع الإمساك بها، بينما وهي تتلاشى بعيدًا ...
الملا ::- احجي رمح .
حك بداية انفه دنك وكال
رمح ::- المحروسة "حلاوة" شردت ، وحلا انتحرت قبل 15 دقيقة.
فز گـــلبي . بصدمة فاتح عيني كلها اباوعله
بسرعة مديت ايدي على التليفون حاولت اتصل ما كدرت عفته ورفعت ايدية امسح وجهي عسى ولعل اتقبل صدمة السمعتة حجيت بخنكة وكوة الكلمة تطلع
الملا ::-شل.. شلون .. و. .شوكت
رمح ::- محد يعرف صارلها يومين من شردت ، الشي الايجابي الوحيد وسط هالاحداث ...
حازم ::- اااي؟ شنو ؟
رمح ::- حلا مسجلة صوتيات معترفة بيهن على كلشي وعلى ابسط تفاصيل العصابة بحيث راح تخلينة نمسحهم مسح من اكبر راس بيهم الاصغر ساقط منهم .
الملا::- شلون؟
ابتسم بثقة رافع حاجبة حجة وهو يأكد على كل كلمة ينطقها
رمح ::- ما رايد اصدمكم ، بس حلا بنت واحد من اهم الروس الكبار الرايدين راسك !
اعصابي تلفت درت اباوع بوجوهم الكل يباوع لرمح بصدمة
حازم ::- وشلون عرفتوا يعني هي اعترفت بكل هذا؟ وبعدين انتحرت ؟ عود صدك ، صددك؟
رمح ::- تجيب القرآن احلفلك عليه؟
حازم ::- لا سيدي العفو مصدكك بس غير اريد اسأل واستفسر هم اعصابك عليه بعد روحي سيدي.
رمح ::- هالحجي وصلني بس التسجيلات بعدني ما سامعهم هسه انا والملا وانتَ نروح بس هيثم ممنوع لان تعرفون الاجرائات القانونية .
حازم ::- الو ، هيثم ، الو تسمعني ، مكالمة لم يرد عليها، ههههههه
هيثم ::-اني مالي بهالامور ولا اعرف شنو الجاي يصير اهم شي عندي الملا عينكم عليه .
رمح ::- ويا ابو ذيبة تتوقع يصيرلة شي وانا بظهرة؟؟
وكف رمح بصفي نظراتة تكلي وياك انا خطوة بخطوة ، اخذنا اغراضنا وطلعنا للمركز دخلنا
للغرفة ويانا صديقي الضابط رضا ، وكفت على جهة ، صفوا الصور على المكتب ، ورثت الجكارة وشتعلت انا اباوعلهم من بعيد .
رمح ::- رضا طلعنا مسرح الجريمة وباقي الصور .
الملا - سحبت نفس بخنكة نظراتي تراقب من بعيد مقهور منها وعليها ليش وصلت روحها الهالمرحلة ليش خسرت الاخرة مثل ما خسرت الدنيا ،
جريت نفس بغصة تعبان ما بيه اتقرب واشوف الصار تعبان الدرجة احس ضلوعي ضلع يگل الضلع لا تنتجي عليه انا مكسور ، روح وجسد تعبانات ومتهالكات استنزفت كل طاقتي بالخذلان والصدمات .
