١٧________١٨
#عشك_الملا_غربال_ج١
#عشك الملا ١٧
#عشك_الملا
لاتنسون التصويت
كلشي من يصير نيته صافيه اصفى من الماي الحلو
يصير الك صافي مرتب
وكلشي بهالدنيا اخذ وعطى اعطي خير تحصل خير لو بعد سنين الخير يجيك
انطي شر يفتر الشر وراك لحد مايصيبك ويعلك
والحوبه تلحگ وتسحگ , وتاخذ ثلثين من الحگ
ـ بس يخوي الدنيا شعليها? هي وادمنه المسودنه هي دنيا ربك مخليها من كبل لا يصير ادم
بس الناس خويه الناس لحمها مر وماينجرع وضميرها مات لاتفكر بحلال ولا تفكر بحرام
ـ مهيمن ترا الي خان العراق عراقي
ـ اي والله ابو الهوث هاي وادم خجلت بليس من فعايلها
ـ وبعد يخوي تشوف الام تذبح ضناها وتشوف السفاحين يفترون بين الوادم ويجيك المترخي يحكمهم بالسجن سنتين ويطلع كفاله
انتفضت وصحت ودكيت ع الكاع :- لا والخلگ هالنفس التذبح ضناها كون تطيح بيدي لكلب عاليها واطيها واسويها دمايه وعلي
ـ هدي غربال انت حقوقي مو قاضي
ـ لككك العن والديها الي تأذي بزرها ولك انا لو اشوف ام اتحسر لو سمعت وحده تصيح الفرخها يمه روحي ترف وانا بهالطول والعرض شتحجي يخوووي شتحجيييي
هيثم :- شمه من شيلتها تسوه الدنيا ومابيها
مهيمن :- انا اشرد من امي واجيلكم عبن امي موش ام حنينه تحن وتفگد
ـ لا مهيمن شكد ماامك تأذيك مردك الحضنها تبقى امك وعافيتك
غربال :- زيج
مهيمن :- الله يطيح حظك اي والله
دفرني مهيمن :- كبر طمك
ـ هههههههه جا شسوي انته تعرف شلون امك شكت حلكي وحلك الخلفوني والماخلفوني والخلفو جيراني
ـ جيرانك شعليهم
هيثم :- جيرانك : هذا ليس منا ونحن لسنا منه
ـ مو ذيج المره انا راجع من الكليه وشفتها مستلمه ام صفاء ودك صياح وغلط لان بايكين دجاجتها وتالي طلعت الدجاجه شارده ورايحه البيتهم
مهيمن :- احسن يستاهلون. حيل نهيوه عليهم
ـ ها شني
ـ جا سحلت روحي على بتهم ومن رحت كلتلها احبج تكلي لحيتك جنهه طفار خيس وجاي تكلي احبج دروح
وسدت الباب بوجهي بنت الكلب وانا من يومها ماحطيت لحيه من القهر
ـ جا ماجذبت البت لحيتك تكول ضروك حمام
ـ هيثم احترم نفسك لحيتي الطاكها بموس تسواك وتسوه عشيرتك
