#عشك_الملا_غربال_ج٢...بارت٥٢
لاتنسون التصويت ومتابعة الحساب والتعليق على كل فقرة
خوفي لا أضيع بمحبّتك
عود گتلك لا تعلمني عليك وعلمتني
عود وصيتك تلمّني وتيهتني
تيهتني ودورّيتك..
دوريتك لچمة لچمة وما لگيتك
يا حنينيّ وأنتَ ذاك شما بچيتك
مرّني لو لچمة أشتهيتك .
انصدمت واتفاجأت بي !!!
انتبه عليه من صارت عيني بعينه بأستغراب نصه راسه
لؤي :- نشوف اللعب تالي بس وربك اليوم الگول النه مسيطرين
انتبه عليه حازم ورجع باوعله بضحك مصطنع :- نشوف تالي ههههه
صبينه الاكل واني بالي مشوش
والف سؤال ببالي شنو هذا وشجاي يصير
وشنو هالتعقيد الي ببالي !
حازم وببيت لؤي وميانه وضحك
والملا والعصابه وسالي اختي !
كمت اشك حتى البيت كُله تابع للعصابة
وكملتها عليه ميانة اخت لؤي
وهي تحجي وياه وتتموع بكلامها وهو يجاوبها ببرود
كدامنه وكدام اخوها وامها محد حجه وياها شي
واني كل هذا واستمع الكلامهم
تجاهلته واني اعرف يقصدوني
رحنه نتغده وطول الغده سمموني كل شويه واحد بيهم يذب بسمار
اخر شي ختمتها ام لؤي :- مامهَ حزومي من تدورلك على مره شوفها زينه موزينه واهم شي تاخذها فرفوشه وتضحك لان حياتك تصير جحيم من الملل
ضحك وجاوبها
حازم :- هالامور الرَجُل هو المسؤول عنها
لؤي:- كُلشي بيد الرجال ؟ هي المره تسوي اجواء
حازم :- لا متوهم المره من ترتاح يبين عليها ...
بسرعه صارت عيونه عليه خَطف ورجع كمل
حازم :- اذا المره ترتاح تبدع بالاهتمام واذا الرجال حبها واهتم بيها راح تورد وتزهر اكثر
ام لؤي:- واذا ممقصر وياها بيات قصر وطلعه وطبه وفلوس شتريد بعد
حازم :- بعد ࢪوحــي عجل هو الحب بالطلعات لو بالقصور ؟ ياما ناس محبوسه بغرفه وحده بس بهالغرفه الامان والاستقرار والحب والموده ، هالامور المادية كل انسان يكدر يشتغل ويسعى ويجيبها بس الحب والموده والاحترام هي الي تخلي الطرفين صابرين ومكتفين بالي عدهم لحد ماربج يرزق ويوسع بالرزق
ام لؤي عوجت حلكها :- يووه ، واذا شافت شي عد غيرها ورادت منه وماكدر يجيبه على الاساس راح يبقى تفاهم
حازم :- وعيونج الحلوه يبقى ، لان يصير تعويض ثاني على كد المقدرة والاستطاعة ..
شربت ماي ورديت
حلاوه :- العلاقة الزوجية بيها اساسيات مهمه ،واكو شي اسمه مهم واكو اهم ، الامور الماديه مهمه بس اسس المحبة والود اهم ، شنو الفائدة فلوس وقصر وبيت وسيارة بس ماكو احترام وحب بين الطرفين ..
سوت حركه بيها وصارت تضحك ب استهزاء
ام لؤي :- ههههههه انتي حمدي ربج حمدي ربج
حلاوه :- حامدته وشاكرته وانتظر الاستجابة بـ اسرع وقت
حازم :- كلامج صحيح ...
حط عينه بعيني وگال وهو يكمل كلامه :- حلاوه ..
رمشت من كالها
عفت الاكل وكمت قبل لا اطلع صاحتلي وهي تستهزء:- وين عيني وراج مواعين
حلاوه :- رايحه للمطبخ
عفتهم ورحت بالمطبخ مختنكه ، البيت كله عبالك تابوت
رحت اتصلت على سيلا ماردت
خابرت نور
نور :- ها سراوي
حلاوه :- سيلا وين
نور :- نايمه
حلاوه :- كعديها كليلها حازم ببيتنه
نور :- شنووو حازم شنو ؟؟؟ ببيتكم ؟ جذابه !
ببرود :- والله ، واحس تعبت من التفكير وتعبت شنو هالدوامه الي اني بيها ، ماكو شي جاي يخليني ارضي تفكيري ماكو شي اكول عنه صح ويطلع صح ، اگــول شي يطلع شي اكبر من الي متوقعته
نور :- رايحه اكعد سيلا
بقت ؏ الخط وياي وكعدت سيلا كوه
سيلا :- شتردن
حلاوه :- احجيلها نور ؏ ما اكمل المطبخ واصعد
سيلا ///
نور :- وهذا الي صار
بقيت مفهيه بوجهه ، عفت نور وحدها :- انتظري حلاوه تتصل ولهيها وحاولي تسولفين وياها وتغيريلها جو
رحت للغرفه خابرته مارد
رجعت حركت الاتصال عليه
وصلني مسج :- ول صرگعتي راسي تااشرب جاي سويتي زهرمر عليه شتردين
سيلا :- انتَ وين احجي وبلا جذب ترا كاشفتك
حازم :- جذبيج وجه الحلو
سيلا :- باوع اني مو حجيتلك رحت بسرعه البيتها وتتأكد حتى اسوي الي براسك والله اذا صار عليها شي المطايه انومها ببطنك
حازم :- منييي ياهيييي؟؟
سيلا :- اختي حلاوه شوف لا عبالك مااعرف شي
حازم :- انت ليش تفهمين السالفه من **** ؟؟؟
سيلا :- عوع المنطق خايس احكي وبلا لف ودوران دارت بيك الدنيا ووكعتك بنار حهنم روح ياحازم عساك بحساسيه مالها علاج وان شاءالله تاكل وماتشبع لحد ماتصير تريله
حازم :- تريله تسحك لسانج بويه يوم الاكشر الرجف گلـــبـي عليج مال الزم گلـــبـي واصلخه بالنعال على هيج اختيار
سيلا :- ولك اني لو مكانك اكص گلـــبـي واذبه للچلاب
حازم :- اي والله
سيلا :- شو....
هنا صفنت لحظة ادراك
بحيث راسي صار حار من الصدمه
حازم :- انتي جنج ذاك الداعشي الافغاني من سوه حزام ناسف كال خل اجربو ، جربو وفطس ، يعني يقصف حالو بحالو
