١٩_______٢٠
#عشك_الملا_غربال_ج١
#عشك الملا ١٩
#عشك_الملا
لاتسوون التصويييت
ـ ـ ـ ـ ـ ـ ـ ـ ـ ـ ـ ـ ـ ـ ـ
احس ماكو اصعب من شعور الفگد, تحسه لﭼـمه بكل الجسم من الجدم للراس
خصوصاً فگد شخص عزيز ماكل وشارب وياه وكاضي كل وكتك وياه من نعومة الاظافر للحم اليابس
واكف بالمكبره كبال كبر العضيد السميته اخوي
ودخان الجكاير اليبس شفافي,
ولحيتي وتعب كلبي وحنية ظهري وجوية كلبي وحرگ دمعتي لو طاحت ع الكبر تعرف صاحب الدمعه
وصوت ام يصرخ على ابنها الضاع بسبب دعوة مظلوم
خسرت صاحبي بسبب انسانه كضت حياتها تطغى وتظلم وتضرب وتكتل وتحرك وتجوي وتهضم طفل عافو اهله بيد مره جبيره بالعمر
خسرت صاحبي بسبب انسانه كل همها تأذي يتيم
كل همها تحرك كلبه
كل همها ينام جوعان
كل همها يرد للبيت ويلكه الباب مقفول وينام بالشارع!
خسرت صاحبي بسبب اخت ابوي من لحمه ودمه
ابوي الغرگ وجان ابننفس البطن الحبلت بيها !
ريت هالدعوه بيه ولا بيك مهيمن
ماجنت اظن الدعوه الطلعت بسبب حركة كلب تحرك كلبي اكثر وتلجمني لجمه ماتبره ولا تهده
ااااخ مهيمن خليت حسرة بگلبي عليك
دخان بروحي متجمع وخانكني
دخان حار ويحرك بروحي
الوادم والنسوان تصرخ وكل جلمة تطلع منهن جن تدك بضلوعي
" يمه مهيمن "
"ابو ضحكة الحلوه "
اخ مهيمن
ـ غربال
ـ كول مهيمن
ـ اضحك يخوي لوالدنيا ترستك لوعات احنه نعالج الحزن بالضحكه
ـ منو مضوجك يخوي
ـ امي غربال امي
ـ الله يهديها
ـ وصلت للهاويه
ـ تنهدي يخوي الله يهدي كل الناس اكو ناس توصل لحافة جهنم ويطلعها ربك من الظلمات للنور
ـ شيهدي خويه ...وصلت المرحله تعلي صوتها وتدفع امها وامها مره عجوز جبيره
وصلت بيها تعير بخواتي عوانس وهن كل وحده ماعابره العشرين
انا لو اموت خواتي يضيعن واخوي سجاد فاهي. مايخلي عينه عليهن
دنكت :- الله يهديها وترد الطريق الله سبحانه
ـ خايف
ـ لاتخاف الله موجود
ـ خايف من الدنيا لا تخلي الوادم الطيبه تنداس بالرجلين
ـ هاي وادمنا مهيمن من زمان هاي وادمنا
