#عشك_الملا_غربال_ج٢
#الحلقه ال٥٦
لاتنسون التصويت ومتابعة الحساب والتعليق على كل فقرة 💙
————————
سيلا :- خو ماكو شي
حلاوه :- حجيتلكم شلون تغير وشلون صار يتغير يمكن حبيته او حبيت تغييره او حبيت اهتمامه وخصوصًا موقفه ويه ابويه واني ادري هذا الشي خطر عليه
سيلا صفنت :- حلاوه هاي الحبوب مال شنو ؟؟
حلاوه :- مهدئة وبحثت عنها بالنت مكتوب مهدئة للاعصاب
سيلا :- هو صح زوجج ويجوز صدك تغير بس هاللانسان خطأ من شعره الاظفره
نور :- القط يحب خانكه ، والله مادري شحجي بس والله صدمتيني مجنت متوقعه ولا چنتّ مخططه ببالي اصلا اني چنتّ اتخيل تنفصلين منه وترجعين للملا ولو هسه مدااحس داربط
سيلا :- اوووووي احس المطايه دتصفن وبطلت ترافس حتى هي مصدومه من الي ديصير
حلاوه :- ليش شنو متأملين انتو الملا رجع الزوجته واني لو لؤي مسوه ويايه هيجي جان بقيت وياه لان متتخيلون شلون تغير
سيلا :- وبعدين بعرها بصوت مُلاتي ... شالفايده
نور :- اي والله
سيلا :- خليت حنه ومافاد ، عرس عليه ذيج الكلمه الي يكولها الملا
نور :- هواي متأثره بي سيلاوي
سيلا :- اوف لج مرات ودي احطه بصندوگ واجعص بي واعجن بي اعجن اعجن وبعدين اطلعه يتنفس وهم اعجن اعجن يالله ارتاح
حلاوه :- هههههههههه خطيه طارت الهيبه
سيلا :- يخبل الله يململ حويزم ويجوده
نور :- هههههههههه الترجمه ، يململ مشتقه من مُلا ، يجوده يعني جواد هههههههه
حلاوه :- والله عليج سوالف تصفن
سيلا :- لكم احبه والله ، لو يكُلي ذبي روحج من الجسر ماذب ࢪوحــي قابل مرايده ࢪوحــي لو روحي ببلاش ؟؟؟ نعلعله عليك الي ببالي عيونك بهذلت حالي
نور :- ههههههههههه
بقينه نسولف ونفضفض طول الليل
لحد وجه الصبح يالله نمنه
مو كم يوم وصدك اجو اهل حازم واتقدمو السيلا ..
اشوفها فرحانه ومتوتره واني واني كاعدين يم اهله وهي دخلت سلمت عَليهم ، انسحبوا بيها وبجمالها وصاروا يصلون ؏ النبي ..
امي تونست وياهم واندمجت بالحجي
وفعلاً ناس محبوبين وانه مره فقيره ووجهه نوراني وكلامها من الغربيه
وحسب ماحجتلنه همه من الاصل بالغربيه بس مصار هوايه من اجو البغداد بسبب شغل حازم
عدها ولد غير حازم بس كلهم متزوجين وطالعين بس باقي هو
