#عشك_الملا_غربال...#بارت٥٠
لاتنسون التصويت ومتابعة الحساب والتعليق على كل فقرة ✅❤️
البارت هالمرة بس للملا
عبروا عن مشاعركم بكل اريحيه
قراءة ممتعه
الملا //
- الإنسان يفقد قدرته على اللجوء للآخرين، بعد البُعد ، حتى ببقائهم خيارًا مُتاحًا ،الحواجز تُبنى ، المشاعر تبهُت ، وكل شيء تُشير إلى أنه لم يعُد مكانًا آمنًا.
قبل يومين من موعد الزفاف :-
ساعه بال2 بالليل كاعد بالسيارة
وليدي باكيت الجگاير ومنتچي ؏ السيارة واورث جگاره وره جكاره وانه اشعل صدري بيها ..
سحبت نَفَس قَوي وحاچيت گلـــبـي :- الليلة اخر ليلة عيونك ضاويه.. بعد يومين يعمَن.
رحت للسيارة وطلعت سماعاتي
وگعدت بالكاع وانتچيت ؏ السيارة ، چانت الدنيا بارده
بس گلـــبـي حار ..
ايدي ترجف وانه لازم تلفوني
مسحت وجهي ورجعت ورثت جگاره
اصابع ايدي ترجف وانه اگلب بالتلفون ، رحت ؏ التسجيل وسجلت صوتها من اخر مره اشوفها بي..
وهي تسلم عليه ..
اخر شي بقالي منها
يخلص المقطع وارجع اشغله ماعندي غيره
ولا عندي بصمات بصوتها ، كلشي مسحت من يوم الحرمت عَليّ .. بس بذاك اليوم حسيت بروحي صايم وصوتها اليرويني..
خفت اشغله بالشارع وواحد يسمع صوتها
مخلي السماعات بـ اذني وارجع اكرر بالتسجيل كلما يخلص ، گلـــبـي يدگ بقوته بكل مره يتكرر صوتها
حبها سرطان ومشه بكل جسمي
مو الي ليش اتراجف عليها .. ربي دخيلك
رفعت راسي للسما ونزلت دمعتي عليها
- تعرف گلـــبـي مايهوى غيرها ربي بس ارحمني بس امسح على گلـــبـي بحنانك بس انطيني قوة اتحمل ࢪوحــي انمردت مرد
بكد ماجسمي يختض ويرجف
الجكاره الزمها وتطيح من ايدي
دنگت راسي وتمددت بالشارع وره السيارة و ؏ الرصيف بنص الليل والدنيا ظلمه ..
حطيت راسي ؏ التراب واسمع صوتها ينعاد
وَنيت عليها وانه بهالوضع ثَلّث ونات وگلت
-
تالي نزعوا
شوكَنا من كَلوبهم
وكَالوا
عوض عنكم لكَينا
تالي سدوا
بابهم من شافوا على الباب اجينا
شكَكَوا مكتوبنا
وبلا خجل ذبوا علينا
غمضت عيني بتعب وحيل مهدود ،جبل نايم على صدري مغمض واردد:- من ثگل التعب بيه مابيه حيل ارفع جفني وادعي ، لساني ثگل وانه جاي وحِيد واشكليك
وانه رددت هالكلام
نزلت گطرات مطر على خدي وانه بهالحال
فتحت عيوني بسرعه وكمت على حيلي
كثرن قطرات المطر وكأنما المعبود يكلي :- وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا
شمرت التلفون بالسياره ونزعت حذائي
كعدت بالكاع ورفعت ايدي وصار المطر ينزل شوي شوي ويبللني وانه بهالحاله
غمضت عيني :- سُبْحَانَكَ مَا أَضْيَقَ الطُّرُقَ عَلَى مَنْ لَمْ تَكُنْ دَلِيلَهُ ، وَ مَا أَوْضَحَ الْحَقَّ عِنْدَ مَنْ هَدَيْتَهُ سَبِيلَهُ .
