٣٣________٣٤
#عشك_الملا_ج١
لاتنسوون التصوييييت ❤️☹️
#اسرار
بقيت متفاجأه وصفر وجهي : منو
- شبيج ماما
- مبيه شي بس هيج دااسأل
ابويه: جواد متزوج بنت خالتج شنو شعجب مكال ؟ اني سمحتله يتكلم وياج لان فرق العمر هواي بينج وبينه ولان هو متزوج وعنده بنيه وعايش مرتاح تاجر وعنده خير من الله
بقيت متفاجاه احس الدم تجمد براسي شنو عنده بنيه شنو متزوج شنو ياربي شديصيرررر شنو احبج كال احبج والله كال احبج نظراته صوته عيونه معقوله
ماما: شبيج ماما اسرار
رفعت راسي: لا ماكو شي هيج الله يهني شفت مخلي صوره
بلعت ريكي احس اختنكت : شفت مخلي صورة طفله هاي هي مو ..مو ؟
ابويه: اي اعتقد اني هم شفتها الله يخلي العائلات يستاهل شاب مرتب
-اي ..اي الله يخلي
لزمت نفسي نزلت شعري على عيني خاف يبين الضعف بيه
رحت ع السنگ غسلت ونزلت دموعي وي المي ..احس دمعتي حاره ويه برودة المي
بسرعه طلعت وامي وابويه يسولفون نااااار ناااار وتحرك كلبي بعدي ممر يوم كامل والله
كلبي من الفرح للوجع
احس تأذيت من صدك اول مره احد يأذيني بهالطريقه ممجربه شعور اذية الگلب ابد
ابويه جان ميسمح الاحدد يأذينا
جان حابسنه بالقفص الصدري مالته ويكول انتو بناتي وعصافيري مااسمح الاحد يلمس شعره منكم
مجربت شعور الاذيه والخذلان من اي احد
ليش مكال انو هو متزوج
شكد وقح !!
ركضت الغرفتي وسديت الباب رجلي ضعفت وكعدت بالكاع وكمت ابجي احس شي يوجعني كلبي لو بلعومي الي يحركني اكو شي خانكني دااتوجع
مثل الالم الي حسيت بي اول مره جان الم حلو ابن لطيف ونغزه لطيفه
بس هسه احس كلبي دينعصر حيييييييل
لزمت كلبي يوجعني قفلت باب الغرفه
كمت احوس اختنكت اروح للتلفون الزمه وارجع اعوفه .. اريد ارزله اريد احجي بس مكدرت
بقيت افتح شعري وارجع اسده
من التوتر والحرگة
تذكرت كلشي يكوله صوته ورجفته شهكته
حتى سكوته جان حجي
اهلي صاحو علمود العشه كلتلهم راسي يوجعني من فرة الكليه تركوني براحتي يدرون اتعب بسرعه
بقيت محبوسه بالغرفه
بطبيعتي من اضوج اكعد بالغرفه واطفي الضوه والزم الجهاز لو انام لو اسمع اغاني
