١١________١٢
#عشك_الملا_غربال_ج١
#عشك الملا ١١
#عشك الملا
لاتنسوووون التصووويت
ـــــــــ
انجطلت ع هيثم واخذت جكاره ادخن
شغلها الي :- دخن دخن شعدنه غير التتن خرب حظ هالدنيا الكشره بنت المكشوره شلفين
ـ لو الحجيه تدري تشق حلقي ثلاثة شقوق
ـ ماذا دهاك ياهذا
ـ دهاني الفلك الذي طرنا طر وقام بشقلبتنا اربعون شقلبه والعباس ابو فاضل
ـ شني شتهذري يخوي جا هو العلمك عربي كلك احجي فصيح مجلف والله لو شافك استاذ منير يلعب الفعل المضارع على ظهرك
ـ خالي شمالك هو لو كلمن اجه و نجر ماجان ضل بالوادي شجر طلع البدر علينا من ثنيات الوداع
ـ اهوو كام يسكر يخوي هو نفس جكاره اخذت كمت تحط الاحياء ع العربي ع الاسلاميه لا يالكعبه لاتوصل للجهاز التناسلي وتشهرنا وعلي
كمت ع حيلي وصحت :- لاااااا اله التناسلي حافظه حفظ حتى اسمي ماحافظه هلكد بس الجهاز التناسلي حافظ حتى الصفحه ويالون وجم سطر واذا اتريد هسه اشرحلك
ـ غير ساقط انتَ اشو الحجيه مأدبه انت شمالك طالع خبل ولاكف
ـ جاشني غير انت صاحبي عبن ماخذ منك لكفتين
ـ هو انا اتعلمت منك
ـ هو المطي مايتعلم من العربانه غير الدفع من طاح حظك
ـ هاي امثالك الطايح حظها مااخلص منها انوب ياريت بيها حظ تطلع من *** وتحط بحلكك
ـ كوم كوم انا راح اكوم ارد للبيت وها شوف لا اريد ان ارى القرد ولا القرد يراني
ـ تقصد نهيوه خلفه
ـ عمي ياخلفه بالعباس جنهه فاصوليه ومرات من اصغن احسها جنهه مقاول فليح راسها تكول بيتنجانه
ضل صافن بوجهي :- غربال خو ماكو شي شو كمت تخبط لا يالكعبه شني شصارلك بويه
ـ راجع انا دكوم اهلك وحدهم
ضرب كصته :- خرب ديلا خل نرجع وعلي كاره روحي
ـ جنك نهيوه شبيك تدردم
ـ امشي مابيه شي
نمشي ونمشي وجان مانسمع اله صفير
احنه سمعنه الصفير وجان حظر تجوال نزلم النعالات وافلت يابو فلته
نركض كل واحد البيته
راح هيثم فات للبيت وانا ركضت للبيت قافلته نهى واذا ادكه يسمعون:- خرب غيرتج نهى
كلبي يدك 190 واللايت مال الجنود صار يفتر
شسوي ماادري
والحايط عالي والباب مضروب مشبج من فوك
