#عشك_الملا (غربال)..#بارت٤٧
لاتنسون التصويت ومتابعة الحساب والتعليق على كل فقرة ❤️
- استطعت كتابة الكثير والكثير من الكلمات، ربما وصلت لملايين البشر، لكن لم أجد يومًا كلمة تصف ما أنا عليه ، فقط كنت أمارس الشجاعة بمنتهى القسوة.
#حلاوه //
استغربت وعگدت حواجبي
ردت احچي بس طلعنا وملحگت
قبل لا يسد الباب الحمايه الواكف بصف الباب التفتت شفته واكف يباوع عليها
خفت عليها
ورحت كعدت بصف امي مقابيل الباب :- يوم
التفتتلي:- ها
- خلي الملا يروح يكعد يم سيلا خاف تخاف وحدهه وهو ضابط عادي
عيوني تتلفتت يمنى ويسرى بقلق ، الملا ماكو دخل بوحده من الغرف وبعد ماطلع منها
كل شوي كمت الح على امي
وهي من تعبها وقلقها وارتباكها بسبب المكان ضلت تتجاهل كلامي ومترد
شويه وانفتح الباب وصاحوا بـ اسم نور
وطلعت سيلا عيونها حمر ووجهه اصفر ميتفسر
وطلع بنفس الوقت جواد من الغرفه
اجت وكفت يمنه :- شسوولج ؟ شنو كلتيله شكلج ؟
سيلا :- حجيت الي كلته الكم وبس
نور:- ليش تبجين ؟؟ صيح عليج ؟
هزت راسها بالرفض ، بهالاثناء صاح جواد بنور ودخلت للغرفه
كعدت سيلا يمي وعيونها ؏ باب الغرفه
حلاوه :- شبيج ؟؟
سيلا :- ماادري تذكرت ابويه شلون ديتحمل هالرهبه احنه بالمركز وگلبنه انمله خوف وقلق وتوتر
حلاوه :- الله ميعوفه ، اجيتي مسيطره شبيج فنشتي
قاطعنه صوت الملا وهو يضحك ويه الحارس وعيونه علينه
تقدم علينه وبيده اوراق
بأبتسامه :- رحت رتبت اقوال ميلا مثل ماتعرفون ماتكدر تجي بسبب الفوبيا ومرض القلب سويتلها أستثناء سريع والضباط هنا كلهم جماعتي
حلاوه :- مشكور ماقصرت
ابتسملي والتفتت على سيلا :- ها سيلا ، شنو كلج الضابط
خو ماخفتي
سيلا :- ماخفت ليش اخاف واني نچره اني ذيبه ام الذيابه لك اني المركز كُله ماخاف منه اكعده ؏ تك رجل
ضحك وهو يكرص خشمها :- هههههههههه واضح خالو واضح
وعافنا وراح دخل النفس الغرفه
ضربت سيلا بعكسي:- نهجم بيتج يالعياره لعد منو ضل يتراجف ويبجي
سيلا :- سكتي غير گَعد يتفلسف براسي ، يكُلي من واجبنه تجاه الوطن نحميه ونلزم العصابات والمجرمين وانتي وخواتج احتمال تساهمون بهذا الشي اني من الحماس ردت اگوم ادگله تحيه واقراله ايهُ العلموووو
غطيت حلكي بالشلل وكمت اضحك خنك
وهي استمرت :- لا ويكلي لازم تحچيلي كلشي تعرفينه وتعربينه بالتفصيل ، كتله سيدي مافهمت اعرب الجمله كلها لو بس ماتحتهُ خط
يمه حسيت ضحكتي راح تفضحني
غطيت وجهي وكمت اضحك
سيلا :- لچ ؏ـَزا ليش اني داتخيله ست حليمه ام العربي ؟؟؟ وتدري هو يحجي ويسألني والغرفه هدوءءء ، بطني صار بيها مطايا تنهگ وگامت تطلع صوت ، ؏ـَزا العزاني اكرص بيهه تزيد عزا بعينها فشلتني وتگولين ليش بچيتي بچيت من الفشلةةةةة
