"හැමදේම තිතට පිලිවලට තියෙන්න ඕන.... තේරුනාද...? බේබි කැමති නෑ කොහෙත්ම අපිලිවෙලට...."
ප්‍රධාන සේවිකාව තමන්ගේ අතේ තිබුනු දිග කලු පාට පිස්නාව එහෙට මෙහෙට වනන ගමන් සේවකයෝ ඉස්සරහින් ඇඉදගෙන ගියා.... අද කිම් මැන්ශන් එකේ කලබලයක්.. මොකද අවුරුදු ගනනාවකට පස්සේ ඒ ගෙදර දරුවා ආයෙත් කොරියාවට එනවා...
"නිල ඇදුම අනිවාර්‍යෙන් අදින්න ඕන, කියන ඕනම වැඩක් ඒ වෙලාවෙම කරලා දෙන්න ඕන... තේරුනාද තමුන්ලට..."
සේවකයෝ හැමෝම හෙමින් බිමට පාත් කරන් හිටපු ඔලු හෙලෙව්වා...
"හරි.. දැන් ගිහින් තමන්ලාගේ වැඩ පටන් ගන්න...."
ආයෙත් ප්‍රධාන සේවිකාව කිව්වමහ හැමෝම තමන්ට වැඩ පැවරුනු තැන් වලට ඇවිදගෙන ගියා...
මැන්ශන් එකේ උඩු මහලට ඇවිදගෙන ගිය කුඩා පිරිමි ලමයා තමන්ගේ අතේ තිබුනු දූවිලි පිස්නයෙන් තරප්පු වැට නැවත නැවත වතාවක් පිස දමමින් ඇවිදගෙන ගියා... කවුරුත්ම දන්නේ නැහැ අලුත් කෙනා මොන වගේ වේවිද කියලා.. නමුත් ඒ තරම් ලේසි පහසු නොවෙන බව නම් හැමෝම දැනගෙන හිටියා....
"ආහ්..ආ.. දෙවියනේ මම මොකක්ද මේ කරේ..."
කුඩා පිරිමි ලමයා තමන්ගේ අතින් ඇල උනු වතුර ජෝගුව කෙලින් කරන ගමන් වටපිට බැලුවා... ඇද ගාවම තිබුනු පොඩි මේසේ උඩ තිබුනු වතුර ජෝගුව ඇල වෙලා හැලුනු වතුර ලී පොලව පුරා ගලලා තිබුනා.... කාමරෙන් එලියට බෙල්ල දාලා කවුරුත් ඉන්නවද කියලා විපරම් කරපු පිරිමි ලමයා ඇගිලි තුඩු වලින් වගේ උඩ තට්ටුවේ කෙලවරට ඇවිදගෙන ගිහින් කුඩා දොරක් ඇරියාම තිබුනු කාමරෙන් මොප් එක අරගෙන ආයෙත් හොරෙක් වගේ ආවා...
විශාල කාමරයේ දොර වහන ගමන් මොප් එකෙනුත් බිම පිහලා මොප් එක බිත්තියට හේත්තු කරන ගමන් තමන්ගේ සේවක ඇදුමේ ඉදිරිපස තිබුනු සුදු පාට රෙදි කැබැල්ලකුත් අතට අරන් බිමට නැමිලා පිහින්න ගත්තේ දිලිසෙමින් තිබුනු බිම පලුදු වෙයි කියලා ආපු සැකේටයි...
ගත වෙන වෙලාව ගැන කිසිම අවධානයක් නැතුව තමන්ගේ වැඩේ ඉවර කරපු ලමයා රිමෝට් එක අරන් ඒ සී එකත් ගානට හදලා ආයෙත් රිමෝට් එක තියනකොටම වහපු දොර පිටින් ඇහුන අඩි හඩට ගැස්සුනා... බිත්තියට හේත්තු කරපු මොප් එක අත් දෙකෙන්ම තුරුල් කරගත්තු ලමයා දොර මුල්ලට වෙන්න ඇලිලා වගේ හිටියේ ඊලගට මොනවා වෙයිද කියලා අදහසක් නැතුවයි...
YOU ARE READING
• 𝐖𝐡𝐲 𝐇𝐢𝐦....¡ • ᶜᵒᵐᵖˡᵉᵗᵉ
Fanfictionඅවසානය කුමක් වුවත්... කී ලෙස කුමක් වුවත්... ඔහුයි විසඳුම සහ ගැටලුව... ඇයි ඔහුම.........«------• • 🇼 🇭 🇾 🇭 🇮 🇲 ...¡• ___________________𝑫𝒂𝒓𝒌_𝑺𝒖𝒏𝒔𝒉𝒊𝒏𝒆𝒓🤍🥀 °• Contains Mature parts.. ▪︎• 𝑀𝑝𝑟𝑒𝑔.... Top...
