My Bad Husband [Completed]

[Extra]new home

နှစ်ဦးသားကွန်ဒိုတိုက်ခန်းမှာ ပြောင်းနေဖို့စိတ်ကူးခဲ့ကြတုန်းက Geminiရဲ့ မိဘတွေကို အသိပေးဖို့ခက်ခဲခဲ့ကြသည်။မိဘတွေကလည်း အတူနေတာကြာလာတဲ့အတွက် စိတ်မကောင်းတော့ဖြစ်နေမှာ အသေချာပင်။
အဆိုးဆုံးကတော့မိNinပါပဲ ။သူက အစ်ကိုတွေနဲ့ နည်းနည်းလေးမှ ဝေးချင်တာမဟုတ်။
သို့ပေမယ့်လည်း နှစ်ယောက်သားရဲ့ လွတ်လပ်ခွင့်ဖြစ်တာကြောင့် မိဘတွေကလည်း နားလည်ပေးပြီး ကွန်ဒိုအသစ်မှာပဲပြောင်းရွှေ့နေထိုင်ခဲ့ကြသည်။

ယခုနေတဲ့နေရာကလည်း Geminiအလုပ်နဲ့နီးသည့်အတွက်ပင် ။

Fourthလည်း သူငယ်ချင်းတွေနဲ့အတူ အလုပ်တစ်ခုရနေပြီဖြစ်သည်။
Fourth အတွက်က ပိုက်ဆံအဓိကမဟုတ်ဘဲ ဝါသနာပါရာကိုသာလုပ်ဖို့ Geminiက ခွင့်‌ပြုပေးထားသည်။

Fourth ထမင်းကြော်နေတုန်းပခုံးပေါ်ခေါင်းမှီတင်လာတဲ့Geminiကြောင့် ပါ၀င်ပစ္စည်းတွေလက်လှမ်းမှီဖို့ခက်နေသည်။
မနက်ခင်းရောက်တာနဲ့ နောက်ကနေ လာဖက်တတ်တာ Geminiအကျင့်ပင်။

"ဒီမှာ ယူဖို့ခက်နေပြီ လေ
ဘာအရသာမှမထည့်ပဲ ကြော်ပေးလိုက်ရမှာလား

ဒါကတော့ မနက်ခင်းတိုင်း ကြားနေရတဲ့အိမ်အသစ်ရဲ့ သံစဉ်လေးတွေဖြစ်သည်။

Geminiက များသောအားဖြင့် Fourthကို လိုက်လျောပေးတတ်တဲ့ခင်ပွန်းတစ်ယောက်။ ထို့အတွက်ကြောင့်နှစ်ဦးသားရဲ့ဆက်ဆံရေးကလည်း အဆင်ပြေပြီး ညှိနှိုင်းရတာလွယ်သည်။ တစ်ခါတလေတော့ Fourthက ခေါင်းမာတတ်တဲ့ကိစ္စတွေရှိသည်။

ပစ္စည်းတွေယူဖို့ Fourthကို ခဏလွှတ်ပေးအပြီးမှာတော့ ခါးသွယ်သွယ်လေးကိုGeminiက ထပ်မံဖက်တွယ်ထားလိုက်ပြန်သည်။

"ရေမြန်မြန်သွားချိုးတော့ ....
ပြီးရင် ထမင်းစားရအောင် ....

"ဟုတ်ကဲ့ ....သခင်လေးFourthအမိန့်တော်တိုင်းပါပဲဗျာ.....

ပါးကိုရွတ်ခနဲနမ်းသွားပြီး ရေချိုးခန်းထဲ၀င်သွားတဲ့Geminiကို Fourth နှုတ်ခမ်းဆူကာ ကြည့်နေလိုက်တယ်

အသားယူတာတော့ တအားပဲ။

..................

"ကိုယ်ပန်းကန်ဆေးပေးမယ်......