နေ့လယ်ကျောင်းဆင်းချိန်ဖြစ်၍ ရုံးခန်းတွင်း၌ သူ့အစုနှင့်သူ နေ့လယ်စာစားသောက်နေကြသည့် ဆရာ၊ ဆရာမအချို့မှလွဲ၍ လူကြဲပါးနေလျှက်။
ထက်နောင်တစ်ယောက် ဆိုင်တစ်ဆိုင်တွင် နေ့လယ်စာစားကာ ရုံးခန်းအတွင်းဝင်လာသည်အထိ ဆရာ၊ ဆရာမအချို့က လက်ဖက်သုတ်စားနေကြကာ စကားဝိုင်းဖွဲ့မိနေကြဆဲ။
" ဟော ဆရာနောင် ပြန်လာပြီပဲ လာဗျို့ ဒီမှာ လက်ဖက်သုတ်နဲ့ ရေနွေးကြမ်း "
ပြုံးပြုံးရွှင်ရွှင် လှမ်းခေါ်နေသည့် ရက်ကန်းဌာနမှ ဌာနမှူးဆရာကြီး ဦးတင်ရှိန်အား အသိအမှတ်ပြုကာ ပြန်ပြုံးပြလိုက်ရင်း အားနာပါးနာဝင်ထိုင်လိုက်ပြီး စိတ်ထဲသိချင်နေသည်ကို အောင့်မထားနိုင်တော့ဘဲ...
" ဒါနဲ့လေ ဆရာတို့၊ ဆရာမတို့ထဲ ပြင်သစ်စကားပြောတတ်တဲ့သူမရှိဘူးလား "
မေးမိပြီးမှ ထက်နောင် ပါးစပ်တွန့်သွားရ၏။
ဘာကြောင့်မေးမိသလဲ သူ့ကိုယ်သူပင်နားမလည်။
" ဗျာ ဘယ်ဘာသာစကား "
သူ့စကားအား ဆရာဦးကျော်သူမင်းက ထူးထူးဆန်းဆန်းဟူသည့်သဘောဖြင့် မေးလာပြန်၏။
သူလည်း မေးမိပြီးမှ မထူးတော့၍...
" ပြင်သစ် ပြင်သစ်စကားဗျာ ဟို အခြေခံပြောစကားလောက် နားလည်ရင်လဲရတယ်ဗျ "
" ဟမ် အခြေခံပြောစကား ဘာလဲ ဆရာနောင်လို့ ဘယ်လိုအခြေခံစကားကို မေးနေတာလဲ ကျုပ်ဖြင့် နားတွေရှုပ်နေပြီ "
" အဟမ်း အခြေခံစကားဆိုတာဗျာ အင်း ဟို မင်္ဂလာပါတို့ ချစ်တယ်တို့ပေါ့ "
" ဪ အဲဒီလိုလား ကျုပ်ဖြင့်တစ်ခါမှ မကြားဖူးပေါင်ဗျာ ထူးထူးဆန်းဆန်းပါလား ဆရာနောင်ရယ် "
ဆရာကျော်သူမင်း မှတ်ချက်အဆုံး ဆရာ၊ ဆရာမအားလုံး ပြုံးစိစိ။
ထက်နောင်လည်း ပေါက်တဲ့နဖူးမထူးတော့ပြီမို့ သူသိချင်သည်ကိုသာ ပြန်မေးလိုက်မိပြန်သည်။
" ကျွန်တော်သိချင်တာကဗျာ ပြင်သစ်စကားကို နည်းနည်းလောက်ပဲဖြစ်ဖြစ် နားလည်တဲ့သူမရှိဘူးလား "
VOCÊ ESTÁ LENDO
ပုပ္ပားမြေမှ စံကားဝါ / ပုပၸားေျမမွ စံကားဝါ (Completed)
Romanceပုပ္ပားမြေမှ စကားဝါ ပင်လုံးညှာ ရွှေရောင်ဝင်းလေတော့ ကြူသင်းစွာ မွှေးရနံ့ရယ်(ကွယ်) နှလုံးသားအထိ...စွဲ။ တစ်စုံတစ်ယောက်က ပုပ္ပားတောင်ကလပ်အမြင့်ကိုမေးခဲ့ရင် ပေပေါင်း 2417မြင့်တာကို မျက်ကွယ်ပြုလို့ ပေ1500လို့ပဲ ကိုယ်ဖြေမယ် မင်းနဲ့တွေခဲ့တဲ့နေရာ... ချစ်မိခ...
