သူရိန်နေမင်းမာန်ဟုန်လျှော့သော ညနေခင်းနေရောင်ဖျော့ချိန်၌ ထက်နောင်တို့နှစ်ဦး နဂါးမောက်ခြံမှ ပြန်လာခဲ့ကြ၏။
လက်ချည်းသက်သက်ကားမဟုတ်။
အနားမှပိန်းရွက်ဖြင့်ထုပ်ထားသော ငရုတ်သီးစိမ်းအချို့ကပါ အပိုပါလာခဲ့သေးသည်သာ။
ပြင်သစ်သားလေးအတွက် ကြက်ချိုချဉ်ကြော်တစ်ပွဲဝယ်လာခဲ့ရန်လည်း မမေ့ခဲ့။
ထုံးစံအတိုင်း အိမ်ရောက်သည်နှင့် ထက်နောင်က ညစာအတွက် အမြန်ပြင်ရသည်။
တစ်ယောက်တည်းကားမဟုတ်။
အနား၌ လူးကပ်စ်ကပါ မယောင်မလည်လိုက်ရှုပ်နေမြဲ။
ချက်မည့်ဟင်းကလည်း အထွေအထူးမဟုတ်။
ဖီးကြမ်းငှက်ပျောဖီး အညှပ်တစ်ဖီးရ၍ အတုံးလေးများလှီးကာ မဆလာများများဖြင့် ငှက်ပျောသီးချက်မည်။
ထို့ပြင် လမ်းမှလည်း ပဲကြော်ဝယ်လာခဲ့သေးသည်မို့
ပဲကြော်သုတ်ရန်လည်း စိတ်ကူးထား၏။
" " အစ်ကို အခု ဘာချက် မှာလဲ "
" အင်း အခုညတော့ ငှက်ပျောသီးချက်မယ်လေ ပဲကြော်လဲသုတ်မလားလို့ "
ထက်နောင်က ငှက်ပျောသီးစိမ်း ငါးလုံး၊ ခြောက်လုံးခန့်ကို ရေစင်စင်ဆေးနေရာမှ ပြန်ဖြေလိုက်သည်။
" ဟင် အဲ အသီး က အမှည့် စားရ တာ မဟုတ်လား "
" အင်း အဲဒါကမှည့်မှလေ ခုလိုအစိမ်းကိုချက်စားလို့ရတယ် လူးကပ်စ်လေး မစားဖူးဘူးမဟုတ်လား "
" ဟုတ် တစ် ခါမှ မစား ဖူးဘူး "
" အင်း မစားဖူးရင် အစ်ကိုကချက်ကျွေးမှာပေါ့ "
" ဒါဆို ကျွန်တော် ဘာ ကူလုပ် ရမလဲ အစ်ကို "
" ရတယ် ရတယ် ဘာမှမကူနဲ့နော် လူးကပ်စ်က ငြိမ်ငြိမ်လေးထိုင်နေရင်ရပြီ "
လူးကပ်စ်က ခေါင်းတဆက်ဆက်ညိတ်ပြလာကာ အထူးအဆန်းဖြစ်နေပုံဖြင့် ထက်နောင်တစ်ယောက် ငှက်ပျောသီးများတုံးနေသည်မှအစ ပါးစပ်အဟောင်းသားလေးဖြင့် လိုက်ကြည့်နေလျှက်။
ထက်နောင်က သွက်လက်စွာပင် ငှက်ပျောသီးတုံးလေးများအား ဆီ၊ ဆား၊ အချိုမှုန်အနည်းငယ်ထည့်ကာ ထောင်းထားသည့် ငရုတ်ကြက်သွန်ပါရော၍ မီးဖိုပေါ်တင်ထားလိုက်၏။
BINABASA MO ANG
ပုပ္ပားမြေမှ စံကားဝါ / ပုပၸားေျမမွ စံကားဝါ (Completed)
Romanceပုပ္ပားမြေမှ စကားဝါ ပင်လုံးညှာ ရွှေရောင်ဝင်းလေတော့ ကြူသင်းစွာ မွှေးရနံ့ရယ်(ကွယ်) နှလုံးသားအထိ...စွဲ။ တစ်စုံတစ်ယောက်က ပုပ္ပားတောင်ကလပ်အမြင့်ကိုမေးခဲ့ရင် ပေပေါင်း 2417မြင့်တာကို မျက်ကွယ်ပြုလို့ ပေ1500လို့ပဲ ကိုယ်ဖြေမယ် မင်းနဲ့တွေခဲ့တဲ့နေရာ... ချစ်မိခ...
