شـاجـور

البارت 9 .

شـاجور .
البـارت الـ ثامن .
للڪاتبه أبرار المـحسن .
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
تشابگنا ونسى كلشي
صفن ويباوع برمشي
ضحك من گتلة ها نمشي ؟
غمزلي وگالي شوية
مشة وتبوس جدمة الگاع
شحلاة عيونة اذا سلهم
ورگبتة بيها مدري شچم
حدايق ورد جورية
احبة بساعة الملگة
الـ هلا من تطلع بحرگة
بدفو من اسمعها من حلگة
واردد بيها ليلية
كل ذني وبعد اوصاف
طفيت الضوة وتنشاف
يلمع خدك الشفاف

✦•••••••••••••••••••••••••••••••••••••••••••✦

ثاني يوم طلعت من الفجر و رجعت متأخر من الشغل
دخلت للبيت ميت تعب ومتعاجز من روحي
بس مع ذلك لازم اسبح
اخذت ملابس ودخلت للحمام الخارجي
سبحت بمي دافي حسيت عظامي
ارتخت  كملت وغسلت ملابسي شطفتهن
وشريتهن

نشفت شعري صار فتره مامزين عود باجر اروح  ازين
دخلت للمطبخ محد ماكو جان اكو اكل ع الطباخ حميته
وصبيت اول ماخليت لكمه بحلگي
دخلت خنساء للمطبخ تخوصرت

رفعت انظاري اباوع الها وجنت متأكد من الي راح تحجي

خنساء:: خوش والله اني اطبخ واهل الشوارع ياكلون ع الحاظر

جلال:: عفت الخاشوكه وكمت
خنساء:: عشتو عود زعل

جلال:: جنت داير وجهي واغسل ماعوني  التفتت عليها وحجيت بهدوءء
- يجي يوم وتاكلين من كدي اللكمه راح تصيرلج موس ببلعومج وكت الي تتذكرين هاي الايام الي جاي تسمميني بيها بحجيچ  ،  وكتها ماراح اعيرچ لا  ..
تدرين ليش؟؟  ،،  لان ابقى اشرف منچ   ،،  مو مثلج لا احساس ولا ذمه ولا ضمير   ..

خنساء:: ديلا يلة اطلع اريد اقفل الباب  .
جلال:: رجعت الماعون للسالة ونشفت اديه تجاهلتها وفتت جوه

محد ضال كلهم نايمين

خنساء:: ترههه كتلك اريد اقفل الصخام الباب
جلال:: كعدت ع التخم وخليت اديه منا ومنا

- اقفلي يابه  ، عاجبني انام ببيت ابويه اليوم  ..
باوعت عليها  ..  خوما عندچ مانع؟؟

هزت ايدها وفاتت تنام  .
كمت دگيت باب غرفه فاروق ودخلت رسن ضم الجگاره وره ضهره

مشيت بهدوء وكعدت بصفه خليت ايدي ع جتفه
- شلونك؟
- شتريد جلال؟؟

- بالاول طفي الجگاره خل نسولف  ،،  طفاهـا  وشتت انضارره مني

- فاروق؟ الي دسوي غلطط انتَ بعدك جاهل متفهم شي

فاروق:: لـ ....
جلال:: اشششش ي انتَ كلشي متعرف عن الي دسوي
انتَ مصاحب شله تعبانه همهه الي فسدوك فاروق أنتَ لا ابويه صاحي وبحيلة ويرشدك ولا عندك ام تخاف عليك وعلى مصلحتك وتنصحك وتكلك لا يمه لتسوي هيج  أمك اخر همها أنتم