شـاجـور

البارت 49 .

شـاجور

البارت الـ ٤٩  .
بقلمي أبرار المحسن 🤍.

بعد ياعين تبجيلك
وياديره الترحب بيك
وانت الكاتل دخيلك

( من أحبب البارتات عَ گلبي ♥ ؛)
ـــــــــــــــــــــــــــــــــــــــــــــــ

غزالة :-

تمايزت نفسي بمراية الصالون كُلش نازك مكياجي ولبسي فستان وردي فاتح  عمه هيام وياية نرمان وهدى رادن يجنن بس مقبلو لانو من أهل العريس هنه

مشيت اييدي عَ خددي وحچيت : عمه
هيام:: عيون عمتچ

ريام:: عمه لو أهلي عايشين جان هسه أمي واختي وياية مو بس أنتِ  ، وجان نزلن دموعي بحضنهم ، بس أني ودعتهم قبل هذا اليوم  !؟ ٠

هيام:: ياا حبيبتي أكيد فرحانين الچ وهمه حواليج بس متشوفينهم  ، هياتني يمچ اني وعمج ابوج  ، هههه وعلي يركص

ريام:: هيَ هاي أداور علي  ، ضحكت وكمت لبست الكبوس من وصلو  ، دخل علي وصاح

علي:: يلة عيني خطيبج جايب السيد و واصل قبلچ
هيام:: لتگوم تجذب جلال ثگيل قابل مثلك

علي:: خلف الله عليج يمه
ريام:: صعدت ووصلنه للبيت وصدك هذا علي بس يجذب اصلا محد جاي

شوية شوية بدو يجن النسوان جوارينه وهمينه زميلاتي بالمستشفى

ورة نص ساعه گالو اجوي اهل العريس
توترت حيل لهسه استحي من يمه واخجل فاتن البنات وباقي النسوان الي جايات وياهم كامن يركصن
عقدلنا السيد وبدت الهلاهل تتعالىٰ

لحد مااصحو راح يدخل  ، ماعت روحي وذبلن عيوني
اباوع ع اديه يرجفن رجفه خفيفة
من گعد يمي ماسترجيت ارفع راسي سحب ايدي لبسني الحلقه وباس اصابعي واحد واحد لبسني باقي الذهب ولزمني من زنودي سحبني اله وهمس قريب من اذني

جلال:: چان صاحبها وخذاها  ، چنت مصاحبج بيني وبين روحي خذيتچ ماتعبت من خذيتچ بگد ماتعبت لملگاچ  .. أضحكيلي يابعد هَلي  أستاهل تضحكيلي وتترسين گلبي عشگ  ،

ريام:: وراها باسني من خدي قريب ع اذني  ، ابتسمت ورجع جر ايدي لازمها بقوة بثنين اديه

جلال:: ماودي اطلع أريدن اضل لازمها أريد اضمها بضلوعي

ريام:: جلال؟

جلال:: بعد هلهَ وناسه يبعَد كل شوغه طلعت من روحي  ، يبعد كل ليلة عشتها بالسطح بيني وبين نفسي اتأمل نجمتچ  ، يبعد كل سطر كتبته لعيونچ 
أول مره احبن أسمي أول مره تكولينه بدون كلمه عمو  ، ابوس حروف اسمي الطلع من شفاج حرف حرف

ريام:: بقيت اتأمل كلامه وهو يحجيه بتوتر وكلساع يطلع منديل من جيبة يمسح وجه ويرجعه لحد ما صاح عليه باقر من باب المطبخ الخارجي