شـاجـور

البارت 13 .

شاجـور
البارت الـ ثالث عَشـر
★★★★★★★★★
لو كَسرة عَظم
چان العذر مَقبول
بَس كاسرلي خاطِر
بيش ترضيني !
العمر مابيه ضمان
شلون گلب إنسان ؟
أدري وغلطة مِني
إنطيتَك سنيني .
☆☆☆☆☆☆☆☆☆

جلال::-

من بعد مادخلت لغرفتي تمددت ع الفراش اندگ الباب ودخلت ام هدى عدلت گعدتي

جلال:: ها يمه محتاجه شي؟
أم هدى:: جوعان؟ ممتعشي اجيبلك عشه؟

جلال:: هههه شنو العشه؟
أم هدى:: هههه كباب عروك وشوربه

جلال:: مدت راسها هدى من بين الباب وامها
هدى:: وزلاطه وطرشي وصمون ولبن

جلال:: چا يابه هذا هو
ام هدى:: شويه واجيبلك الصينيه هنا

جلال:: گمت من الجربايه ، لا عيوني انتِ اني انزل
نزلنه جوه وخنساء وبيت اخوهـا بعدهم يگرگون
كعدت ع ميز الطعام وحطتلي اكل

هُدهد تعالي عيوني
هدى:: تعشينه اني وماما قبل لا تجي
ام هدى:: الف عافيه يمه

جلال:: اكلت بس ماكدرت وحدي سويت لفه لهدى وانطيتها
هدى:: شبعانه والله
جلال:: ميخالف بابا
اخذتها وسويت وحده لامي هم خذتها وضحكت

ام هدى:: شگد حنين اروحلك فدوه
جلال:: اسم الله عليج يروح روحي .

هدى:: ولسانه هم حلو كله يحجي غزل
ام هدى:: هههه ي صدك جا شخليت لمرتك

جلال:: ضاملها كومه لتخافن
ام هدى:: الله ينطيني طوله العمر وافرح بيك

جلال:: امين حبيبتي
كملت وكمت غسلت رجعت للمطبخ ام هدى تغسل مواعين وهدى ترتب اخذت القوري وسويت جاي
كملنه وكعدنه نشرب
دخلت خنساء علينه

خنساء:: ههه مشاء الله الله يديم الجمعه الحلوه
ام هدى:: الله يديمج ام ليث

جلال:: هدى ماعجبها الوضع مثلي تماما ضلينه نباوع صفح

خنساء:: اكعد وياكم لو ممرحب بيه
جلال:: اني اشدد ع الخَيار الثاني وبِشدّه .

ام هدى:: تؤؤ تفضلي عيني
جلال:: كعدت وگالت

خنساء:: هدى متصبيلي جاي
هدى:: نووو

خنساء:: احمم ها ههه يلة عادي مو ضروري
جلال:: گمت اني

خنساء:: جلال عادي تكعد اريدن احاجيك
جلال:: ضيقت عيني واشرت بيدي بمعنى احجي

خنساء:: اممم مريم بنت اخوي هذا والله مدري شلون اكلك
جلال:: ام ليث اول تالي انتِ هيج حبابه

خنساء:: مريم مريم راح تبقه يمنه يعني شلون نرمان جانت عايشه يمهم هسه هي حتعيش يمنه ف كلت اكلك مدام البيت بييييتك