شـاجـور

البارت 26 .

شـاجور

البـارت الـ سادس والـ عُـشرون
بـقلم : أبرار المـحسن 💜.

لا تَشكيلهُم
ضُمهن، لـ تالي الليل
الما جاسَة المَرض
مايعَرف العَلة .
❥-----------------------------❥

اصوات رمي - انفجارات - ريحه دم - قتل - نهب - سلب - اغتصاب - مُتاجره  ، بمكان مابي رحمه  ، كلمن يصيح ياروحي محد مهتم لاحد الجيش الباسل يحاول بأقصى ماعنده القضاء على هاي الخلايا المُلقبه بـ داعـِ،ـش الدوله الاسلاميه  ..

#شاجور::-
:: فتحت عيوني الاجهزه محاوطتني وريحه ديتول ومعقمات مكان كلشي بيه ابيض كمت على حيلي رغم الوجع الي احسه بجسمي المليان جروح
شلعت الكانولا من ايدي وضغطت عليها مانع الدم يسيل توجهت للباب اريد اطلع من هذا المكان ودخل شاكر

شاكر:: الشكرر للرب واخيراً صحيت
جلال:: اني وين وشكد صارلي هنا

شاكر:: اكعد خويه اكعد خل احجيلك  ، هاي شمسوي متكلي شبيك تريد بس تشرد اكو واحد هيج يشلع الكانولا

جلال:: جاب شاش ولف ايدي  ، احجي شاكر شصار اني مااتذكر شي بس انو التحقنا أسبوعين بين داعش متنكرين اخر شي صار هجوم من قبل الجيش العراقي وصار انفجار وماااتذكر شي وراها

شاكر:: غير بلنا ع روحنه من الخوف عليك سمعنه نداء من الجنود ويكولون الشاجور استشهد تالي لكيناك ويه الشهداء بس جان بيك نفس بس شنو ياخويه مابيك شي صاحي شضايه شكربها شاجخه ببطنك وجهك خريطه العراق ضهرك خريطه الوطن العربي جسمك خريطه العالم  اسعفناك انت وكم واحد من الجرحى كلهم صحو الا انت عاجبتك النومه عبالك نايم بحضن مرتك صارلك اسبوعين نايم

جلال:: جذذذب!!
شاكر:: والزهره اجه امر بنزولي من وراك علبو ادير بالي عليك

جلال:: واحنه وين هسه
شاكر:: اللواء ** گللنا لاترجعونه لاهله ولا احد يكول فـ ياحبيبي احنه هسه بـ واسط تحديداً الكوت مستشفى الزَهراء

جلال:: شمعنى
شكرا:: امان خصوصاً من بعد ماانكشفت هوياتنه للدواعِـ،ـش

جلال:: شلووون!
شاكر:: ثبرتني عبالك مره تولول لان جايتها الشهريه

جلال:: اكل نعال ويلا خل نطلع منا
شاكر:: ترجع لاهلك واني ارجع للموصل

جلال:: مستحيل شني اروح اكعد بالبيت مثل النسوان شنو خايف لو بالفراش كلشي مابيه
شاكر:: يابشر اكلك بطنك مشكوكه شك شطوله وجسمك صاير خرايط اقل شي وجهك مجردح تجردح

جلال:: مابيه شي وين بدلتي
شاكر:: لا حول الله هاك اساعدك؟

جلال:: لا اطلع مابيه شي  ، طلع واني لبست ماشفت جرح بطني لان جان ملفوف كملت وطلعت بره جان يحجي اتصال