شـاجـور

البارت 50 والأخيــر .

شـاجور

البارت الأخيــــــــــر
بقلم الكاتبه  : أبرار المحسن 🫀.
ــــــــــــــــــــــــــــــــــــــــــــــــــــــــــــــــ

يا أسود رمش هنيّال لون الليّل
لأن ظل وي عينك دوم يتوددّ
فضلك ع الحسن أنت أخر العنگود
وبستان الورد لولاك ما ورّد..

ــــــــــــــــــــــــــــــــــــــــــــــــــــــــــــــــــ

ريــام :: طلععت من الحمام جان دينشف ببشعره

جلال:: صباح الحب أبوي
ضحكت بخجل : صباح النور  ، ليش مگعدتني

جلال:: ماهان عليه بعدين شعدنه
ريام:: مو عيب ينتظرونه

جلال:: طز بيهم اهم شي غزالتي تشبع نوم

ضحكت ومشطت شعري  ، طلعت فستان ناعم مال بيت كريمي وبي ورد ماروني زغار  ، فتح تليفونه مااعرف شيسوي  ، بسرعه جريت شال ولبسته شلون ماچان اول مره ألبسة عدل ف ماعرفت ارتبه

التفت علييه وجمدن عيونه وبدت تضهر ع ثغره شبه ابتسامه

جلال:: أذا علمودي لتلبسينه  ، الحجاب ينلبس عن محبه وقناعه مو علمود شخص

ريام:: مقتنعه وصار فتره مخليه هل فكره براسي

ضحك ومسح حاجبه وكال : بس ممرتب متعرفين تلبسينه

ريام:: صدك؟  ،التفتت ع المراية اعدل بي  ، اي والله عرفت  ، رجعت باوعتله جان يكعد بالگاع ويمد رجليناته منا ومنا اشر بينهن وكال

جلال:: تعالي كعدي البسه الچ
ريام:: زين ليش ما ع الجرباية؟

جلال:: لا بالگاع نسيطر اكثر  ، تعالي بابا
ريام:: كعدت بين رجلية جر الشال من راسي لبسني كب

جلال:: غمضي نظراتج تحرجني
ريام:: شنو؟؟

جلال:: غمضي لا اهبدج
ريام:: غمضت بس كوة لازمه ضحكتي  ، نغزات شواربة صارت ع جبيني اختفت ابتسامتي وحسيت بشعور حلو شوية شوية نزل ع خدودي بوسهن اختفه اثر شواربة بس بقيت مغمضه  ، عبر اديه ورا ضهري وجرني عليه الحركه الغير متوقعه لگطني عضه من حنچي

ريام:: ولجج يُمممة
جلال:: ها حبيبي شبيج

ريام:: فززتني وبعدين شنو هاي سنونك يوجعن تعال اعضك اردلك الوجع

جلال:: حتى أذيتچ اتقبلها برحابة صدر  غزالة روحي
ريام:: ابتسمت  ، شصار بيك لمن مالكيتني بالبيت بهذاك اليوم؟

اختفت ابتسامته وتندمت لان سألته  دنكت العب بدگم قميصه متفشلة من سؤالي

همس بصوت خافت  : بروحتچ گلبي انلچم لچمات حتى بنومتي يونن

ريام:: بلعت ريگي بخنگه ضحك وجر ايدي باسها

جلال:: خل اسويلج شالج
ريام:: جر الشال منا وجابه منا واخيرا گلي خلصنه كمت ع المراية وتفاجئت كلش حلو