شاجــور
ــــــــــــــــــــــ
البارت الـ سادس والأربعون
بقلم أبرار المـحسن 🤎.
ـــــــــــــــــــــ
جُرف ما اصير وأتاني أفضالة الروج
ريح بكيفي اجيب "بكيفي اودي"
اليحبني مثلي يصير مثله ماصير
ذهب ولخاطر احد ما أصدي
ــــــــــــــــــــــــــــــــــــــــــــــــــــــــــ
هُــدى :: انتضررناهُم هواي يتصلون علينه او يرجعون بس ماكو
صار الصُبح بـ 6 دگ تليفون نرمان
مسحت عيونها بأكمام التشيرت وجاوبت رحت يمها فتحت مكبر الصوت
جان فاروق : ها نرمان
نرمان:: فدوة فاروق احچي شصار ليش بطيتو علينه
سمعنه صوت خطوات وكأنو ابتعد حتى يكدر يحجي
فاروق:: عدها ولاده مُبكره وحالتها صعبه ادعولها
هدى:: نزيت وحجيت ، ولهسه ماولدت؟
سكت شوية بعدها گال : لا حباره ، بعدهي صار عدها تعسر
نرمان:: فدوة فاروق مو تنسانه طمنه كل شوية
فاروق:: صار عمري ، يلا انا أروح
نرمان:: الله وياك
هدى:: سدته منه وگالت
نرمان:: راح اتوضئ واصلي وادعيلهم
هدى:: صدك نرمان أنتِ شلون تتوضين اقصد شلون تمسحين رجلج؟ وشلون تصلين
نرمان:: امسح فوك الجبس وأصلي ع الكرسي بعد مااعرف مقبولة أو لا
هدى:: أهم شي النيه الله اعلم بلي بگلبج
نرمان:: أيي
هدى:: أنزل اسوي ريوك لامج
نرمان:: ومريم؟
هدى:: راحت لأهلها ماادري شوكت ترجع
نرمان:: روحه بلا رجعه امين
هدى:: عفتها ونزلت جوة البيت هدوء فتت للمطبخ سويت چاي وخليت الريوك بصينيه صبيت چاي شلته واخذته لغرفتها دگيت الباب وفتت جانت تصلي شكلها مريح من تصير مؤمنه تقيه بس ورا أصلاه ترجع حيه
خليته كدامها خلصت وگالت
خنساء:: ماجابت مرت جلالو؟
هدى:: بعد
خنساء:: أكعدي يمي
هدى:: هاااااه؟
خنساء:: وكرص أكعدي
هدى:: شلت دشداشتي وكعدت باوعتلي لاوية حلكها
خنساء:: حركات الزلم بطليها
هدى:: ها خنيسة رجعنه
خنساء:: تره اهفچ بهاي الصينيه صيري مؤدبة انتِ گبال عمتچ مرت رجلج المستقبلي
هدى:: شوفي عمه انا ابنچ مطايقته ف اطيقج؟ هاي صعبه
خنساء:: أدري بس واجب
هدى:: تحسييني قاضي
خنساء:: وتالي
هدى:: هاي شبيج ياعيني
خنساء:: اگلج
هدى:: گولي
خنساء:: أنتو يمته تعرسون؟
هدى:: وشعليـ... أو نسيت أنتِ أمه
أنت تقرأ
شـاجـور
General Fictionفي عُتمه الحَـياه وَفي عُمق الغُربه والحَنيـن . توجَد غزاله مُشرده تلتجأ الى أحضانِ شاجورٍ يَحرق غَيرهـاا ليُطفئهـا فَـ تصبحُ الرجفهة ليـديهِ الصَلبتين وضعف لقَلبهِ ألذي أصبحَ حجراً « لِيلعب القدر في قدرهما » [ شاجور ] - بقَلمي ** الڪاتبه أ...
