شـاجـور

البارت 11 .

- شـــاجـور -
الـ بارت الـ حاديَ عشِـر
༺༻
- النَظرة من عينَك يَ بَعد
عيون أهلنا هواي تسوهَ .
༺••••••••✪•••••••••༻
.
.
.

#شـاجـــــور
::- كعدت الفجر صليت و هديت ركعتين ثواب لأبويه سبحت وطلعت للشغل بدربي مريت ع الاسواق اشتري شي اكله
راحت عيني ع الجگاير .. جريت باكيت وجداحه دفعت فلوسهن وفلوس العصير ورحت للسكله ( مكان الشغل)

صبحت على الموجودين وكعدت لبيت ماتجي الحموله
ورثت جگاره وكعدت اشرب العصير شويه واجه باقر كعد يمي خلصت الجگاره وطلعت غيرها

باقر:: ها ي حلو
جلال:: نفخت الدخان .. هاا؟

باقر:: باكيت جگاير وكذا من يمته تشتري جگاير
جلاال:: طفيت الجكاره باصبعي الابهام وحجيت
- من اليوم ،، يلة گوم اجت التريلة.

باقر وعلاء صعدو فوك التريلة يشمرون الكواني واني ومُهيمن نفوت للمخزن والولد جوه ترتب وشي الي تنظف وره مانخلص لـ 11 كملنه كعدت هلكاان
اجه باقر جايب اكل

باقر:: تفضل يروحي
جلال:: مااشتهي ،، سحبت باكيت الجكاير جره من عندي وحجه بتنرفز

باقر:: شني هييي لطلطه؟؟؟
جلال:: كمت نكثت ملابسي واخذته منه
- انه رايح
- واليوميه؟ ماتنتظر يجي الزلمه يوزعها

- ضمها يمك بعدين اخذها ،، عفته ورحت للبيت مع انوو الصبح قبل لا اجي سبحت بس جم ساعه بالشمس وعرك و وساخه .

وره مكملت دخلت للبيت الجبيـر
جانو صابين غده

خنساء:: تعال تغده
جلال:: باوعلتها عاگد حاجبي
دنگت تاكل واني هم كعدت لان حنت جوعان يومين مماكل شي

أم هدى:: خابرتني أم عقيل مرت عمكم أبو عقيل
ليث:: أي وشتريد مو هذوله الي من اول يوم الفاتحه تغدو و ولو

أم هدى:: لا يمه شلون تحجي عليهم هيچ.
ليث:: دسكتي أنتِ

جلال:: ليييييث لاتتجاوز حدودك لا امرد حلكك افتهمت لو لا
ليث:: لا والله استاذ جلال ممكن تعيد؟؟؟

جلال:: لزمتني أم هدى من ايدي
أم هدى:: بروح ابوك سد السالفه

خنساء:: هسهه دحجي شتريد خابرتج
ام هدى:: احم ، راح يجونه العصر أبوكم المرحوم مخلي وصيه يم أبو عقيل بيها تقسيم الورث واليوم راح تشوفونها ويه المحامي

ليث:: يييي همزين واني جنت حاير شلون راح نتقاسمه للورث
جلال:: تصدك ليث لوما نعمه الله گدامي جان تفلت بوجهك هذا النكس ابونه صارله اسبوع ميت وانت حاير بالورث

ليث:: يحجي وياكل ،، نموت روحنه وراه مثلا راح الله يرحمه وكلنه ع هل طريق حزنت عليه يومين خلص كلش كافي ؟