شـاجـور

البارت 16 .

شــاجور
البـارت الـ سادس عَـشر
بـ قلمي … أبرار المـحسن 🤎.
•
•
•
من ارجـع من الحرب
وتنام يَمي تچي وتگلي كافي غزل
نحچي الي يلچـمنه
حَبيت اگلك تره
؏َ صوابي نايم چنت
بَـس من گثر لهـفتي ما اگلك ادنه  .
—﹉—﹉—﹉—﹉—﹉—﹉—

جلال::-
فززني هورن قوي اثره فريت الستيرن بجنون
ثواني ثواني وصار صوت ناس وهرجه واني احس وشه براسي

احس ينزل شي حار ع وجهي وايدي تلمستها تنزف من الجتف نزلت من السياره واني اتطوطح وكلشي مغوش بعيوني

كعدت ع الرصيف وخليت ايدي ؏ راسي وشي تكول شبي وشي تكول خطيه حسيت احد تقرب مني ولزم متني

::- كوم للمسشتفى كوم خويه شوف حالتك
::- اشرت بيدي لا شويه واجت الدوريه جماعتي

::- سيدي شنو صار
::- ماكو شي بس سحبو السياره ودوها يم بنچرچي

رحت للسياره طلعت غراضي وتقربت يم العسكري
::- فلوس بالـجكمجه ادفعهن للتصليح وجيبها للفندق

::- حاظر سيدي
::- اخذوها وركبت ويه سياره الدوريه

::- سيدي نروح للمستشفى راسك ينزف وجتفك هم
::- لا حبيبي ماداعي

::- سيدي لعد شلون راح تنفذ الهجوم ويانه
::- يلة بسرعه  .

::- حاظر
::- وصلنا للمسشفى والعسكري مرتبك ويصيح للدكاتره
‌  - حبيبي جُنيد اهدأ مابيه شي

::- لا سيدي شلوون دتنزف
  - صدگني مابيه شي شبيك هههه
  - اجت ممرضه داوت الجرح الي براسي وحجت

::- ممَكن تنزع قميصك دااعالج كتفك
::- حاولت انزعه بس ايدي ماعانتني

الممَرضه::- اساعدك؟!
::- لا جُنيييد
::- نعم سيدي

::- اشرتله واجه ساعدني
::- استاذ الجرح يحتاجله خياط

::- لا بس نظفي وشدي
::- بس ميصير

::- مُمكن بسرعه؟؟؟!
::- براحتك
  - كملت وگالت

::- الحمد لله ع السلامه
::- الله يسلمج
  - كمت من السديه وابتعد ليغاد اشوف تليفوني لان هواي مكالمات سمعت صوت وحده تحجي

::- ندى موو دداحجي وياج هاي شبيج وين صافنه
لججج ندى اكلتي الرجال ولجج عيب هسة ينتبه ويشوفج

::- انتبهت ع مصدر الصوت جانت وحده دتحجي ويه الممرضه الي نظفتلي الجرح  وهي تباوع بأتجاهي
التفتت ماكو احد بس اني واكف تداركت الوضع وطلعت من المكان بسرعه

لگينه فندق قريب  المستشفى حجزت غرفه
دخلت بس جنت رايد اسبح ممرتاح هيج تمددت ع الجربايه وماحس الا اذان الضهر كمت فتحت الي براسي وتوضيت رجعت لفيتها صليت وطلبت غده
اكلت شويه وطلعت لغرفه الجنود
كلهم وكفو