Love In The Midst Of Conflict

Part-5

Unicode

" ရှောင်းသခင်လေး ခင်ဗျ "

"ဒါလေး"

လက်မောင်းတစ်ဖက်ကို ဆန့်ကျင်ဘက်အရပ်သို့ ဆန့်တန်းကာ ကမ်းလင့်လာသော လက်တစ်ဖက်၊ ထိုလက်တစ်ဖက်ထဲရှိ တစ်စုံတစ်ခု၊ ထိုအရာအား ပိုင်ရှင်ဖြစ်သူထံကမ်းလင့်နေဟန် ရှိသော လက်ချောင်းများကြားမှ အရာအား နားမလည်နိုင်သော သံသယမျက်ဝန်းများဖြင့် လှည့်ကြည့်လာသောတစ်ဦးတည်းသော ပိုင်ရှင်

လူငယ်လေးနှစ်ယောက် ၏ ပထမဆုံးအကြိမ် မျက်ဝန်းနှစ်စုံ စုံမိသည့်အခိုက်၊ စူးရှသောမျက်ဝန်းများကို ဖုံးကွယ်ထား၍ ကြည်လင်နေသော မျက်ဝန်းများကိုသာ ဖော်ပြနေပြီး မျက်ရစ်မရှိသည့်တိုင် မျက်ပေတုံးလေး နှင့် ဖြူစင်စွာပြုံးပြနေလျှက်ရှိသော ပါးဖောင်းဖောင်းလေး ထက်မှ အပြုံးပွင့်လေးတစ်ခု ၏ပိုင်ရှင်နှင့်

တစ်ဖက်မှ မျက်တောင်ရှည်များ၏အောက်မှ ဖုံးကွယ်ထားလျှက်ရှိသော မျက်ဝန်းများမှာဝိုင်းစက်လျှက် မျက်လုံးအိမ်ကျယ်ကာ လှပလျှက်ဖြစ်သော်ငြား ကြည်လင်နေသော မျက်ဝန်းများနှင့်မလိုက်ဖက်စွာ အကြည့်စူးစူးများကိုသာ ပေးလာသော မျက်ဝန်းတစ်စုံ တို့စတင်တွေ့ဆုံကြလေပြီ။

" မင်းဆီ ဘယ်လိုရောက်နေတာလဲ"

" သခင်လေးရဲ့ လက်ထဲကနေ ပြုတ်ကျလာတာတွေ့လို့ ဟို.."

ရှောင်းသခင်လေးက တကယ်ကို ပါပဲ။ သူကတွေ့လို့လည်း ကောက်ပြီးလာပေးရသေးတယ်။ အခုလည်း သံသယမျက်ဝန်းတွေနဲ့ လာကြည့်နေသေးတယ်။ အဲ့မျက်ဝန်းတွေက လှပေမယ့် အခုလိုစူးစိုက်ကြည့်နေတာမျိုးကိုတော့ သူမလိုချင်ဘူး။

"ပေး!!"

" ဗျာ!! ... အော် ရော့ရော့ သခင်လေး ရဲ့ လက်ပတ်ကြိုးလေး"

ယူပြီးတန်းလှည့်ထွက်သွားတဲ့ သခင်လေးက ကျေးဇူး တင်စကားတောင်ပြောမသွားဘူး၊ ကျေးဇူး အတင်ခံချင်တာမျိုးမဟုတ်ပေမယ့် အဲ့သခင်လေးက "ကျေးဇူးတင်ပါတယ်" ဆိုတဲ့စကားကို သိတောင်သိမယ့်ပုံမပေါ်ဘူး။ မတင်ချင်လည်း ကိစ္စမရှိပါဘူး။ ပစ္စည်းပြုတ်ကျတာကို မြင်လို့ အမြင်မတော်လို့ ကောက်ပြီး ပေးတာ၊ ဘာနေနေ လုပ်သင့်တာကိုလုပ်ပေးယုံပဲ။