الكاتبة /فخر العراق
✨ألمي وملاذ قلبي✨
_وما لگيت اليفتهمني؟
_وهاي صار سنين اعاني .
_ومثل قرأن المحاكم .
_كلهم يحلفون بأسمي .
_بس ولا واحد قراني .
.............................
علوان.. كاظم خوية تعذرني صح عندي ولد ثنين وبنيه بس ما اگدر اطي بتي
كاظم.. شلقصة هية هسة عمرها شهر ما راح تدري
_صعبة كاظم وانت عايش بغداد ما ترهم
_علوان تدري بية فريت الدنيا واني عندي عقم ساعدني واطيني البت اربيها واوعدك احطها بعيوني وما راح احسسها بشي اعتبرها مثل بتي
_بشرط
_اني حاضر
_من يصير عمرها سبع سنين البنية ترجع وتعرف منو ابوها الحقيقي
_ميخالف بس اطينيها
_راح افتح الموضوع وية امها واخواني واطيك خبر
_خوش من تتفقون كلي نجي اني وزوجتي
_الله وياك
_بعد سلامه
سديت الخط من كاظم واني محتار شلون راح اطي بتي شلون من تكبر تتقبل الوضع ورة ما تعرف اهلها يالله خايف لا يصير شي
رحت گعدت بصاله يم امي
علوان
اعرفكم على نفسي اني علوان من الناصرية ساكن بقضاء الشطرة عايشين كلنة بيت واحد بس جبير اني وابني حسين عمرة 4 وباقر سنة وبنت اسمها شغف سنتين و وتين عمره شهر الراح اطيها لكاظم واخوي زغير عمرة 6 سنين اسمه فقار واخوي الثاني مزوج عندة بنية وحدة اسمها حوراء ولد 3 الجبير محمد توم ويه حوراء عمرة 6 سنين وابا ذر عمره 4 سنين وحسن عمرة سنتين
ويانة عايشه اختي اسمها مروة ارمله زوجها استشهد وعدهة بنيه اسمها نرجس عمرهة 6 سنين
وامي عايشة ويانة اسمها ام علوان وابوي متوفي
گعدت حتى افتح الموضوع وية اهلي بخصوص وتين
ام علوان.. يا يمه بس البت هوة مو اخوك ابن عمك تحل علي بعد يومين
_لا يمه اتفقنة يرجعها الي من يصير عمرهة سبع سنين يرجعها الي وهوة خطية عايش وحدة بس هوة وزوجته ماعدهم جهال
شگلتي سحر (زوجه علوان)
_حجيت واني گلبي وياها ما اريد اطي بتي بس الرجال خطيه نفسه بلجهال.. بكيفك
_وانتي يمه شگلتي
_بتك وبكيفك يمة
رحت خابرت كاظم
كاظم.. ها بشر
_يمته اطلعون من بغداد علمود تاخذونها
_ب 12 بليل نجي.. يعني وافقت
_اي وافقت
_يالله بعد سلامه
_الله وياك
صارت الساعة ب 4 الصبح وشفت تلفوني يدك باوعت لگيته كاظم يجوز وصل
_الو هلا كاظم
_هلا بيك.. احنة واگفين بابكم
_صدك.. اي طالعلك ثواني
رحت فتحت الباب طببتهم بلاستقبال وگعدت سحر سويلهم ريوك تريگو وخلصو
