الكاتبه فخر العراق
✨ألمي وملاذ قلبي ✨
ما ينضم حزنها الروح .!
شيبه بگذله ام عشرين ..♕
...................................................
شغف..
_اباذر اهلك وين
_بلامام الكاظم
_وشلون باقين هناك
_شعليهم حسن وياهن
_واحنه وين نگعد
_اشوف بيت ايجار
_ومين ندفع
_اشتغل وحسن راح يشتغل
_الذهب الاخذنه وياهن وينه
_وشتردين اخذ ذهبهن
_جا المن مخلياته يباوعن علي
شكو وحدة عدها ذهب نلمه ونبيعه ونشتري بيت
_بالله ذهبجن التحجن علي يجيبله 100 مليون هاي اقل شي بغداد
_هوة بس الايجار ومشتمل 500 كل شهر
_انت ما راح تحطنه بلمنصور اي منطقه سعر بيوتها رخيص
_اي صح واحنه شنو نعرف من المناطق
_خلينا نرجع للناصريه
_هاي السالفه تنسينها اصلا تنسين اكو محافظه بهذا الاسم
_اي مو هيه بكيفك منطقتي عمري كله عشت بيها ومن طلعنه من عدها شوف شصار بينه ولك اباذر سته ست اشخاص ماتو من العائله ليش شنو السبب من غير حسين الانسدت قضيته ومن غير نرجس الماندري جثتها وين والبقيه
_كل ساعه وعدتي الموضوع گوليها گولي من وراك ورة دياحتك هيه هاي التردين تحجينها لا تخلينها بنفسج
عافني ومشه واني امشي ورا وصلنه للامام الكاظم زرنه ورحنه لاهلهم
شافتني حوراء من بعيد اجت حضنتني وهيه تبجي..
حوراء.. شغف اهلي كلهم ماتو
_الله يرحمهم
باوعت على اباذر وحجت..
_كله بسببك كله من وراك صار بينه هيج من وراك ورة طيشك
شغف..حوراء كافي قضاء وصار
_اي انتي تحجين هيج لان ما خسرتي عزيز عليج
_بقيت متفاجئه بكلامها..
اني ما خسرت وشتردين بعد اخسر اكثر ابوي وامي واخوي گاعدين بلخارج مرتاحين واصلا شبه ميتين واخوي المحد اخذ حقه وابوج المات عمي واكثر من ابوي وعمي فقار هوة عمج وعمي هم وبيبيتي هيه بيبيتج واخوج هوة ابن عمي واخوي ونرجس بت عمتج وبت عمتي
هاي كلها وتگليلي ما خاسرة شي اني خسرة حتى روحي حوراء وشكرا على كلامج
مروة..حوراء صمي حلگج وسكتي تعالي حبيبتي
التفتت عليها وحجت..
فوگ ما تتحمديلها بسلامه هيج تحجين وياها
گعدت يمها
_عمه ماسه وين
_ويه مرت عمج ناديه راحت تزور
اباذر..يمته راحن ما شفتهن
_قبل لا تجون بشويه
مروة.. خوب ما صار بيج شي شغف
_حجيت واني اباوع عليها وابجي.. لا مابيه شي
حضنتني وهيه تبجي وتبين اصير قويه..
هذا قدرنه يا عمه الله يرحمهم
بقينه گاعدين ساعه واجت ام اباذر وماسه
شافتني واجت تركض وتبجي
ماسه.. ماما وين جنتي والله خفت وانتي مو يمي
_لا تخافين بعد ما اعوفج
_قبل گلتيلي بس انتي عفتيني
_لا هل مرة ما اعوفج لو شيصير
_تمام
اباذر.. جا واني سمسم ما تردين تحضنيني
_اني مشتاقه الماما
_جا واني ما مشتاقتلي
_مشتاقتلك بس ماما
_اها تحبينها اكثر مني
_لا
_خوش بعد ما احجي وياج
_والله احبك
_تعالي بوسيني
راحت اله باسته بطفوله وهيه تضحك
ناديه.. يالله يمه خلينا نمشي
حسن.. وين نروح اباذر
_خلينا نشوف مشتمل بيت زغير
_هاي المنطقه اليم الامام الكاظم بيوتها غاليه
_نشوف منطقه ثانيه
_اباذر بغداد غاليه مين نجيب ايجار
_وين نروح انام بشارع
_بس مين ندفع
_نشتغل انت عليك الايجار تجمعه كل شهر واني عليه مصرف البيت
