الكاتبه/فخر العراق
✨ألمي وملاذ قلبي✨
_انا الخاسر وطن؟.
_عادي اخسر انسان .
_واعيشن وحدي روحي وعلمتها .
_انا نغشيت بيك عيونك كبار .
_بس عيوبك اكبر ما شفتها .
..................................................
شغف..
جنت گاعدة اتعشه ودخل اباذر وهوة لابس ملابس العماله وجهه كله سميت ابيض وادي صاحت علي امه
_ولك اباذر تونه نظفنه البيت طبيت انت والتراب ينكت منك
_وشلون بالله اشيل روحي
_امشي اطلع برة بلحمام الخارجي
_يمه
_وسم اطلع برة گومي شغف جيبيله ملابسه خلي يسبح
_والله يا عمه ملابسه بغرفه مرته صيحيلها هيه اجيبهن
_اشو ولج انتي ما تحترمين گتلج گومي
_والله اني ما اشتغل عد احد وبعدين هوة رجلي بس بلاسم رجل بت اختج
گامت تريد تضربني وهوة لزم ايدها
_يمه شنو سالفتج عوفيها
_ما تشوف السانها شطوله
_هسه شنو العشه ترة جوعان
_خليها تگوم اسويلك عشه لو بس النهار كله گاعدة بجحرها
_عفتهم وصعدت فوگ دگيت الباب على اديان
_تفضل
خير شغف شرايدة
_اجيت اخذ ملابس الباذر
_اها اجه
_اي عيوني اجه
_فتحي الكنتور واخذي
_فتحت الكنتور وتكومت الملابس عليه
لك هاي شنو اديان ليش هيج
_شسويله اركض ورا هوة ينفش ويمشي بعد ما ارتبهن اله ولا ادخل خلي يغسل ملابسه
_شنو ما تغسليهن ترة هوة عندة جامعه ولبسه يحتاج كوي ونظافه ويشتغل ويرجع تعبان
_اي لا صيرين كلش تردين انتي اغسليهن
_اخذت الملابس وطلعت نزلت جوة رحت للحمام الخارجي دگيت باب الحمام
اباذر افتح الباب اخذ الملابس
فتح الباب وبقه صافن
شبيك صفنت اخذ الملابس واطيني ملابسك مالت الشغل خليني اغسلهن
_لا ماكو داعي عوفيهن
_اباذر ترة ما الي خلگ احجي اطيني الملابس
اطانياهن اخذتهن حطيتهن على الكاونتر وسويت عشه كملته طلع من الحمام وگعد بصاله اخذت الصينيه وحطيتها گباله
_شكرا
_العفو
نزلت اديان وهيه اطگ بعلجها
_ها حبيبي الله يساعدك يمته اجيت
_حجت هيج واني طگيتها ضحكه
هههههه
_اكو شي يضحك لو محترگ گلبج لان ما ينام يمج هوة هذا مستواج تنامين يم بيبيتج
اباذر.. صدگ تذكرت شغف ليش ما تنامين بغرفتج
مروة.. البت تخاف تنام وحدهه وانت حضره جنابك النهار كله يم هاي السعلوة
_اني سعلوة سمعت اباذر شلون يحجون عليه
_بالله فهميني شنو شايف منج اباذر حتى يدافغلج تغسليه ملابسه من يجي من الشغل تلاكينه اسويله شي ياكله تگليله شمحتاج يگعد الصبح يروم للدوام سويله ريوگ ها
امداك اباذر وامدة اختيارك
شغف.. حجت عمتي هيج خلت وگامت وهيه ما طايقتها عفتهم رحت اخذت الملابس من المطبخ ردت اصعد وحجت اديان
_شغف مو تنسين ما تغسليهن وشريهن على الحبل الفوگ علمود الصبح الشمس تنزل عليهن وتروح الجراثيم
_ههههه حجت ام النظافه
_شگالولج عليه مو نظيفه اني
_ايه شگد تلغي عفتها وصعدت رحت الغرفه حسين اخذت ملابسه الوصخه اغسلهن غسلت الملابس رجعت رتبت غرفتي ومكتبي الاقره علي رحت للحمام اسبح سبحت وطلعت فتحت شعري ما بيه حيل امشطه بقيت گاعدة اگلب بلتلفون شويه ودخل اباذر
_شغف شسوين
_ما سوي شي ليش
_لا هيج سئلت سؤال
اجه گعد يمي
_محتاج شي
_لا بس اجيت اشوف مرتي لو ما يصير
_ما شاء الله صاحب مسؤليه توك تذكرت عندك مرة ورة شهر ما تدري وين
_كل ما اريد احجي وياج تجاهليني يعني شسويلج
_اها اجاهلك برأيك انت تستاهل الجاي يصير بيك
_استاهل واكثر وشما تحجين اني عاذرج والله
_اوو ما ادري عاذرني شكرا لان گتلي
_شغف خلينه نبدي صفحه جديدة غلطه وصارت
_هههه عليك العباس صدگ ضحكتي انت تدري ما طايقه حتى اسمع بأسمك يالله ما تدري شگد كره بگلبي الك گمت اكرهك اكثر من يزيد
_هل درجه شغف
_واكثر ما تتوقع
_طلبت منج السماح
_اي نفرض سامحتك شنو الي يتغير اممم يعني راح يروح الكره البداخلي راح تروح اديان راح ارجع اثق بيك بأنك ما عندك غيري
جؤجؤ هذني بلاحلام اتحلمهن لان ما يصيرن وياي بلواقع
_شغف اني مستعد اذا تردين اطلگها انتي بس احجي اسوي اي شي تردي بس ارجعي الي بس اطيني فرصه اصلح السويته
_اي شسوي هوة بكيفي ما اثق بيك گلبي واحد اناني وما ينطي فرص يطي وحدة والثانيه يجوز يطيها ويموت
_شغف مستعد احلفلج بلقرأن بأي امام صدگيني بس اطيني مجال الصار مو بأرادتي اعترف وجنت طايش واحد غبي
_صدگ ترة انت قبل گلت اني من جنت مراهق طايش بس من دخلت الكليه عفت السوالف شنو رجتت عليك مراهقه العشرينات
_شغف
_اااوووهه حجي بدون فايدة مضيعه للوقت بدال هذا الحجي صار الك نص ساعه هسه اني نايمه حرامات راحت النص ساعه استفاد منها اقرة
عفته ورحت للمرايه اخذت المشط امشط شعري گام عبالي راح يطلع ما حسيت اله حضني من ظهري ويشم بشعري
_شغف اني اسف
_والله كتلتني بلاسف فهمني شراح اسوي ترة لا تقدم ولا تأخر
_شتردين اكلج sory
وهسه
_صلوات محمد تحجي انگليزي صاير
_طبعا لاتنسين اختصاصي لغه انگليزيه
_اي صح
_خليني امشط شعرج
_شكرا اديه الحمدلله الله ما بيهن شي
_اوووو هههو شلون بلوه وعناد يگط الگلب
_صدك
لزم شعري بيده اخذني وگعدني گدامه ويمشط بشعري
_ترة گتلك اني امشط
_ممكن اسكتين
_اااخ جاي تگطع بي
_شعرج يشلع الگلب بلتمشيط
بقه يمشط بي شويه وانفتح الباب التفتت واشوف اديان دخلت وهيه تباوع علينه بحقد
شغف.. اعتقد اكو باب وتگدرين تدگينه من ادخلين
_ليش لازم قاطعتكم
_اي والله شرايده
_اباذر شسوي هنا
_شيسوي مثلا ترة مثل ما هوة رجلج رجلي صار شهر گاعد يمج ما شبعتي منا
_شلون هوة اباذر حبيبي ينشبع منه
_حجيت بگلبي.. حبتج حيه ان شاء الله
يحجي ويبتسم
اباذر.. روحي اديان اليوم انام هنا
_ليش
_ترة مصختيها شنو ليش مثل ما انتي مرتي هيه هم مرتي
_لا اباذر انت بس الي
_طلعي وسدي الباب وراج
طلعت وسدت الباب وراها
_شغف عندي موضوع وياج
_خير
_جنج مغلسه
_لا ضل تطي الغاز طب بسالفه
_اريد حقي الشرعي
_ههههه
_على شنو اضحكين
_حقك يا حق التحجي علي اباذر اني ما احبك بس راح اطيك كل حقوقك مو علمودك لا لان رب العالمين بعد يومين يحاسبني لان ما خليتك تتقرب مني
_شغف
_هذا العندي اخذ التريدة بس اريدك تعرف ما راح يكوت برضاي مجبورة
_هيج صارت
_اي هيج
گام وهوة يمسح بوجها وعيوني راح تنفجر من العصبيه كسر العطور العلى الميز طشر الكتب والاقلام بلگاع
انتصرتي واعترف هزمتيني لا تخافين ما راح اتقربلج
_هوة هذا الصح روح الاديان تطيك بس تطلب
بقه يباوعلي بنصرة حسيت انكسر گلبه وجرحته بكلامي طلع رحت باوعت من الشباك گاعد بطارمه ويدخن
لميت شعري والغرفه نزلت لگيت حسين گاعد بصاله
_حسيون ضايجه طلعني خلينا نفتر
_قبل جنتي تجيني اني ولي امرج بس هسه انتي مزوجه روحي الرجلج يطلعج
_هسه وين راح تاخذني كلها نتفر بدرابين ونرجع
_ما بيه حيل والله
گعد يدخن وحدة ورة الثانيه واني گاعدة اباوعله شلون يشربها
_شبيج صفنتي بوجهي
_اطيني وحدة
_انجبي
_هاي شبيك غير اني اختك
_اكلي نعل
_انت ليش ما تحترمني
_والله مزعجه
_عليك العباس اطيني وحدة اذا ما تطيني اروح اشتري بسكته واضل ادخن
_هههه فتون الثانيه
_اي وانت صير سلامه وجيبلي بسكته علمود ادخن
_الله عليج انتي مو ضايجه روحي للگازينو همين تگعدين ويه الولد تتونسين وطگيلج ارگيله جو يخبل ونت همين
_صدك عليك الله اخذني گعدت الولد حلوة
جان بصفه گلاص مي اخذه وذبه عليه
_تگومين عن خلقتي لا احط الجگارة بعينج
_عليك ابو فاضل اطيني وحدة هاي شبيك هيه الدنيا شبيها على ساعه ميتين وما مسوين اليعجبنه وعلي گلب اختك يوجعها
_شغف
_فدوة
_بطلي تحلفين بلامام العباس لا يصير بيج شي
_انته شعليك هوة قابل
_اي گعد وسولف وياج قابل
_استغفر الله
ديالله
_هاج تعاي هاي
_رحت گعدت يمه واني خايفه
لزمني من اذني
اااخ حسين والله توجع
_گولي بعد ما اطلب جگاير
_ما اگول
حجيت وضغط اكثر
_بعزيز گلبك اطيني وحدة
_واذا اگلج ما عندي عزيز
_واني شنو مو عزيزة عليك.....
يييتتتبببععع••••
...............................
خربو ريحتك من كثر ما شموك !
