الكاتبه /فخر العراق
✨ألمي وملاذ قلبي✨
اموت بشوگ حبك وانت........ گلبي
نفس يصعد بروحي وانت........ گلبي
وصل شريان حبي وانت.......... گلبي
وانت ويه النفس تصعد سويه ❤.
............................................
شغف..
بقيت افكر طول اليل واخر شي گلت لازم اتقبل
ابا ذر واتعامل ويا مثل ما يتعامل وياي
نمت گعدت ب 6 نزلت جوة سويت جاي لان ميته من الجوع من غدة امس ما ماكله قررت ما اهتم لاي شي ولا اخلي احد يخرب تفكيري ويلهيني عن دراستي
گعدت بلمطبخ اكل وكتبي على الطاوله مالت الاكل واني اشرب جاي اجه ابا ذر
گعد گبالي ويصب جاي مبدل لان عندة كليه
_الناس تگول صباح الخير
_ليش انتي البارحه خليتي خير
_يبوي ردينه لقوانت البارحه هذا اليعكر مزاجك من الصبح
واني احجي اجت بيبي
_صباح الخير يا وليدات جنكم عصافير من الصبح گاعدين
ابا ذر.. گولي جنكم بومات بيبي احله
شغف.. قصدك على نفسك بومه اني مو بومه فراشه لطيفه تستيقظ من الصباح مو بيبي
_اي بيبي تخبلين بس شويه خفي علينه لا يطيح علينه السگف
خلينه انشوف رئي اباذر شتگول اباذر جنها فراشه حليوة بت ابني لو بومه على گولتك
_وليش گلتي على گولتك قصدج اني بومه بيبي بعد زعلت
اباذر.. حطيت ايدي على خذي واباوع عليها.. اي والله صدك فراشه بيبي ذيج الگاعده على الكرسي عرفتيها مو
طگتني على متني وضحكت
_ههه ما ينگدر الك ولك دير بالك على فراشه البيت
_ليش لا ماكو داعي توصيني على فراشتي
شغف.. اگول بيبي اصبلج جاي احسن ما تحجين ويه ذاك الولد
_صرت ولد هسه فراشتي
_وينها فراشتك
_شگد ثوله وفاهيه متگليلي صار ساعه احجي كردي شحبيت بيج اريد افتهم على الفهاوة مالتج لو تبطليها مدري انتي تخبثين
اخذ كتبه وطلع
_شبي هذا اني ثوله نعم الله علي
_يا ولج ليش ضوجتي الولد طفرتي صار ساعه يتغزل بيج
_بيبي ابن ابنج عصبي وما يتحمل شقه شگتله مثلا غلطت علي ناس عطلات من الصبح
_انجبي وبعدين لا تحجين ويا هيج صيري رومانسيه شويه گبل لا يطير من ايدج
_ههههه صدك ضحكتيني بيبي انتي هم تعرفين الرومانسيه والله زين
اخذت العوجيه مالتها واطگني بيها
_هههه على كيفج بيبي كسرتي عضامي
اخذت كتبي واني اضحك طلعت من المطبخ.. بيبي الرومانسيه هنيال جدو عليج عمي شابع رومانسيه هههه
_ولج شغف اجي اطيح حضج اخلي العوجيه تلعب على ظهرج
_واني اضحك على سوالف بيبي لاگاني ابوي وامي واني صاعده عفته وما اهتميت اله عبرت من يمه وهوة وگف
_شغغف
_ما رديت علي استمريت اصعد
_شغف والعباس اجي اشمرج من فوگ اذا ما تعدلين تصرفاتج اجي انعل والديج شنو اني اخوج هيج تجاهليني
_وگفت وما رديت علي
اجه عليه وضربني راشدي گدام اخواني جرني من ايدي للغرفه وطلع وتين قفل الباب ونزع الحزام الجان لابسه من شفته حسيت روحي راح اموت جوة ايدة تقرب عليه واني ارجع على الحايط بقه يضربني بي بكل قسوة اني اريدة بس يبتعد عني علمود اجر نفس بقيت اصرخ من الوجع واسمعهم يدگون بلباب يردونه يفتحه ومن كثر الالم ما اجه گبالي غير حسين صحت بصوت رج البيت رج
_حسسسسسييييينننن فددددددوووه تعاااااال
صحت وما اشوف اله الباب انكسر ودخل حسين وهوة بلگوة يتنفس وشعرة على عيونه بقه ابوي مصدوم من قوته وهوة كسر الباب اجه عليه واني ميته من الرعب والخوف احس اعضامي تكسرن حضني واني صرخت من الوجع
بقيت ابجي بشكل مو طبيعي گامت بيبي اصرخ على ابوي ما تگدر تصعد فوگ بقيت ابجي والدم ينزل من جسمي اجت عليه امي ووتين كلها متفاجئ بتصرفات ابوي وياي طلع ابوي واني جسمي موتني من الالم راح ورا حسين گبت بيناتهم رحت سبحت واني بس ابجي من الالم وجهي صار كله اثار قفلت الغرفه بدلت وطلعت لان عندي دوام نزلت جوة بس بيبي گامت تباوعلي لان مبين على وجهي ما لگيت ولا احد راحو يسون جوازات
رجعت من المدرسه صعدت للغرفه لگيت وتين گاعدة
الى يوم الاربعين مالت عمي انه يوميه اخذلي كتله من ابوي صار جسمي عبارة عن اثار الحزام
خلص يوم الاربعين وابوي واخواني وامي كملو جوازات وغراضهم
عقدنه اني واباذر محكمه وشيخ وصرت مرته نفس يوم العقد مالت المحكمه اهلي بليل طيارتهم
جان اول يوم الي بزواجي بدون لا حفله ولا زفه حالي حال الفصليه جنت وأكفه يم الشباك واباوع الهم يطلعون بجنطهم حتى ما ودعتهم رفع راسه حسين وبقه يباوعلي واشوف بعيونه يريد يبقه ما يريد يطلع من البيت طلعو واني بس ادموعي تنزل مشو للمطار بقيت گاعدة بلغرفه ابجي شويه ودخل ابا ذر اجه گعد يمي ويمسح بدموعي
_لا تبجين شغف اني يمج لو ما اثقين بيه
_واني ابجي واشهگ.. اباذر اهلي كلهم راحو حتى اخواني كلهم راحو
_لا تبجين يا روحي اني اخوج واني اختج واني اهلج ما اريد اشوف دموعج واني موجود خوش
_هزيت راسي بمعني اي وامسح بدموعي
_فراشتي الحلوة اليوم المفروض نفرح لان اول يوم زواجنه
_هوة هذا هم حاسبه زواج مثل الناس
_حقج والله بس المهم احنه سوة مو
_سكتت ما عرفت شرد علي
_بعدج ما تحبيني شغف
_لا
_شنو الا
_هيه شنيه كافي اباذر
_اي گوليها وريحي گلبي
_شنو هيه
طگاني بخفه على راسي وحجه
_ثول اي والله على هاي الفهاوة
_انت ليش تگلي فاهيه وثوله ترة ضجت
_احجي وخلصيني
_غير اعرف شحجي
_اوف ثول گولي احبك
_ليش
_الفاهيه احجيها لا اشمرج من الشباج
_ما
قرب وجهه من وجهي وحجه بنبرة هادئه
_گولي احبك يا جگارة گلبي
_اليوم صرت جگارة گلبك
_لا تتهربين احجي
_اوووف امري لله يالله عمي احبك
_بقيت اباوع على عيونها من گالت احبك
من گلبج گلتيها
_والله من گلب والسان
_تدرين بكلمه احبك الگلتيهه وديتيني العالم ثاني مابي بس اني وانتي
_اباذر هم يجي يوم وهذا الحب يصير لغيري
يلعب بشعري ويحجي
_انتي وبعد ما تجي غيرج انتي الاولى وانتي الاخيرة
گعدت الصبح واشوف اباذر نايم على القنفه لان ما خليته ينام يمي جنت خايفه نزلت جوة وجانت بوقتها صار اسبوع لعطله نصف السنه لگيت اديان وامها وخوال اباذر جاين يباركوله
بقيت گاعدة واديان تباوعلي بنظرات كره وحقد ما ادري ليش تكرهني شويه وشفتها صعدت فوگ
اباذر.. طلعت من الحمام وبعدني ما لابس ملابسي واگف على المرايه اريد البس التشيرت ودخلت اديان طبت وسدت الباب
_اديان اكو واحد يطب هيجي المن خلو الباب اذا ما ادگينه
_شنو شفت بيها ورحت الها گلي بشنو شغف احسن مني ها رد عليه مو تدري بيه اني احبك ومستعدة اضحي بنفسي على مودك
تقربت عليه وحطت اديهه على وجهي
_اباذر اني احبك عوفها وشتريد اسوي
قربت شفتها تريد تبوسني بادلتها وما بعدتها مني ما اعرف ليش هيج سويت ثواني وشفت الباب انفتح..
ييتتبع••••
.....................................
اذا تعرف بروحك
ما تضل وياي
الحجي بأول ايام
شجابرك گتله. 💔
